VIDEO: PM મોદી અને વડાપ્રધાન નેતન્યાહૂએ લીધી ગાંધી આશ્રમની મુલાકાત

અમદાવાદ: ઇઝરાયલના પીએમ બેન્જામીન નેતન્યાહૂ છ દિવસ માટે ભારતની મુલાકાતે આવ્યા છે. PM બેન્જામિન નેતન્યાહૂનું અમદાવાદ એરપોર્ટ પર આગમન થઇ ગયું છે. ઇઝરાયલ પીએમ બેન્જામિન નેતન્યાહૂના વિમાન પર ભારત અને ઇઝરાયલનો ધ્વજ જોવા મળ્યો છે. PM મોદીએ ઇઝરાયલના પીએમ નેતન્યાહૂનું ભવ્ય સ્વાગત કર્યુ. ઓપી કોહલી મુખ્યમંત્રી અને ડેપ્યુટી મુખ્યમંત્રીએ ફૂલ આપીને સ્વાગત કર્યું હતું. 



આ બંને દેશના વડાપ્રધાનોએ અમદાવાદ અરપોર્ટથી ગાંધીઆશ્રમ સુધીનો 8 કિમીનો રોડ શો કર્યો હતો. જે એશિયાનો બીજા નંબરનો રોડ શો  છે. આ દરમિયાન વિવિધ સંસ્કૃતિ ઝાંખી હતી. મોટી સંખ્યામાં લોકો રોડ શો જોવા ઊમટી પડ્યા હતા. 





રોડ શો દરમિયાન બંને દેશના વડાપ્રધાન ગાંધી આશ્રમ પહોંચ્યા છે. આ આશ્રમમાં બંને પીએમનું સુતરની આંટી પહેરાવીને સ્વાગત કરવામાં આવ્યું. ગાંધીજીની તસ્વીરને પુષ્પાજંલિ અર્પણ કરી. ઇઝરાયલ PM નેતન્યાહૂએ હૃદયકુંજમાં ચરખો ચલાવ્યો. PM મોદીએ  PM નેતન્યાહૂને હૃહયકુંજ વિશે માહિતી આપી. ત્યારબાદ ઇઝરાયલ પીએમ નેતન્યાહૂએ પતંગ ચગાવ્યો.




નોંધનીય છે કે નોંધનીય છે કે વિશ્વના ત્રીજા મોટા નેતા અમદાવાદની મુલાકાતે આવ્યા છે. છેલ્લા બે વર્ષમાં ચીન અને જાપાનના વડાપ્રધાન આવી ચૂક્યા છે. આજે ઇઝરાયલના વડાપ્રધાન આવી પહોંચ્યા છે.