મોરબીઃ પ્રધાનમંત્રી નરેન્દ્ર મોદી અને પાસ કન્વીનર હાર્દિક પટેલ આજે બંને એક સાથે સૌરાષ્ટ્રના મોરબીમાં જોવા મળશે. જયાં પીએમ મોદી મોરબીમાં પાટીદાર પ્રભુત્વવાળી બેઠક પર જંગી જાહેરસભા યોજશે. ત્યારે આ તરફ હાર્દિક પટેલ મોરબીમાં ખેડૂત સંમેલનામં ઉપસ્થિત રહેશે. માળિયાના ખાખરેચીથી હાર્દિક સભા રેલી યોજશે.
ઉલ્લેખનીય છે કે પ્રધાનમંત્રી મોદી આજે ફરી એકવાર ગુજરાતના પ્રવાસે. પ્રધાનમંત્રી મોદી આ વખતે સૌરાષ્ટ્રનો પ્રવાસ ખેડવાના છે. પ્રધાનમંત્રી મોદી સૌરાષ્ટ્રમાં અનેક જનસભાઓને પણ સંબોધીત કરવાના છે. સાથે જ સોમનાથ દાદાના પણ દર્શન કરવાના છે. પ્રધાનમંત્રીના કાર્યક્રમના પ્રવાસની શરૂઆત મોરબીથી કરી છે.