ઉજ્જવલા સ્કીમ: હવે ગરીબોને દાન આપો રસોઇ ગેસ કનેક્શન મળશે ટેક્સમાં રાહત

નવી દિલ્હી:  દિવાળીનો તહેવાર ભેટ આપવાનો હોય છે. આ તહેવારમાં જો ભેટ આપવા સાથે તમને ફાયદો મળશે. તો કેવું રહેશે. હકીકતમાં કેન્દ્ર સરકાર ઉજ્જવલા પ્લસ યોજના લઇને આવી રહી છે. આ યોજના હેઠળ તમે કોઇ ગરીબને એલપીજી કનેક્શન સ્પોન્સર કરી શકો છો. એનાથી કોઇ ગરીબના ઘરમાં સ્વચ્છ ઇંધણથી ખાવાનું બની શકશે તો બીજી બાજુ સરકાર ટેક્સમાં રાહત પણ આપશે. 

એના માટે દાનદાતાઓ જિતને ઉજ્જવલા એલપીજી કનેક્શન સ્પોન્સર કરવા ઇચ્છે છે એ તેલ મંત્રાલય દ્વારા રજૂ કરેલ એક ગેરલાભકારી કંપનીને આ સ્પોન્સર કરી શકે છે. દરેક કનેક્શનનો ખર્ચ 1600 રૂપિયા છે. ઉજ્જવલા પ્લસને દિવાળી પહેલા રજૂ કરવામાં આવશે. આ જાણકારી ઓઇલ મિનિસ્ટર ધર્મેન્દ્ર પ્રધાને આપી.

એમણે જણાવ્યું કે આ દાન કરનાર દાતાઓ ટેક્સ નિયમોની ધારા 80જી હેઠળ રાહત આપવામાં આવશે. નોંધનીય છે કે ત્રણ વર્ષમાં પાંચ કરોડ ગરીબ પરિવારોને મફત એલપીજી કનેક્શન પૂરો પાડવાનો આદેશથી 1 મે ના રોજ ઉજ્જવલા યોજના શરૂ કરવામાં આવી હતી. પરંતુ માત્ર 8 જ મહિનામાં જ આ યોજના હેઠળ 1.5 કરોડ ઘરોને એલપીજી પૂરું પાડવામાં આવ્યું હતું અને વર્તમાનમાં આશરે 32 કરોડ ઘરોમાં આ સુવિધા પહોંચી ગઇ છે. 

ઉજ્જવલા યોજના એનડીએ સરકારની સૌથી પ્રભાવશાળી યોજનાઓમાં સમાવેશ થઇ ગઇ છે. આશરે 6 મહિના પહેલા ઉત્તર પ્રદેશ જેવા મોટા રાજ્યોમાં ભાજપને જીત માટે આ યોજનાની સફળતાને એક મહત્વનું કારણ માનવામાં આવે છે. સરકાર એને આગામી ચૂંટણી પહેલા ઉજ્જવલા યોજનાના નવા તબક્કાની શરૂઆત કરવા જઇ રહી છે.