વિશ્વવિજેતા સમ્રાટ સિકંદરના વિજયરથને રોકી ઇતિહાસમાં પોતાનું નામ કાયમ માટે અમર કરી જનાર પુરૂના રાજા પોરસના જીવન-કવન પર આધારિકત બની રહેલી મેગા સિરિયલ પોરસનું પ્રસારણ નવેમ્બરના અંતમાં શરૂ થઈ રહ્યું છે.
સિરિયલને વધુને વધુને ભવ્ય બનાવવામાંટે નિર્માતા અને ચેનલે કોઈ કસર છોડી નથી. ઈસવીસન પૂર્વે ૩૫૦ વર્ષના સમયગાળાને દર્શાવતી સિરિયલ માટે ઉમરગામમાં ૧૧ એકરમાં ચાર સંસ્કૃતિને સાકાર કરતા ભવ્ય સેટ બનાવવામાં આવ્યા છે.
જ્યારે સદીઓ અગાઉનાં દરિયાઈ યુદ્ધનાં દૃશ્યો થાઇલેન્ડની ખાઓસોકની આંતરરાષ્ટ્રીય જળસીમામાં કરવામાં આવ્યા છે. આજ લોકેશન પર હોલિવૂડની ફિલ્મ પાઇરેટ્સ ઓફ કેરેબિયનનું પણ શૂટિંગ થયું હતું.
આ સિરીયલ ઇતિહાસમાં બનેલ એક મોટી ઘટના પર આધારિત છે અને તેનું ટ્રેલર જુલાઇ માસથી દર્શકો સુધી પહોંચાડવામાં આવેલ છે.
આ શ્રેણીમાં દર્શાવવામાં આવેલ સ્થળો અને પ્રસંગોને જોઇને દર્શકો રોમાંચિત થઇ ઉઠશે તેવું શ્રેણી નિર્માતાએ જણાવ્યુ હતુ. આ સિરિયલમાં કેટલાક કુદરતી દ્રશ્યો પણ ફરમાવવામાં આવ્યા છે જેના કારણે લોકો વધુ આકર્ષિત થશે
ઉલ્લેખનીય છે કે આવનારા નજીકના સમયમાં પોરસનું પ્રસારણ શરૂ થવાનું છે જેને લઇને લાખો દર્શકો ઉત્સાહ પુર્વક રાહ જોઇ રહ્યા છે.
આ સિરીયલ વધારેમાં વધારે દર્શકો નિહાળે તે માટે થઇને નિર્માતા દ્વારા અનેક પ્રયત્ન કરવામાં આવી રહ્યા છે. જાહેરાત પણ મોટા પ્રમાણમાં કરવામાં આવી રહી છે. જો કે ઇતિહાસ આધારિત આ સિરીયલ કેટલા લોકોને ગમે છે તે તો હવે આવનારો સમય જ કહેશે.