1 લિટર પેટ્રોલ માત્ર રૂ. 45માં! નવા વર્ષમાં સરકાર તરફથી મળી શકે છે આ ભેટ

1 લિટર પેટ્રોલ માત્ર 45 રૂપિયામાં હાલના સમયમાં ભલે તમને આ વાત પર વિશ્વાસ ન થાય પરંતુ નવા વર્ષમાં સરકાર તમને આ ભેટ આપી શકે છે. સરકાર એક નિર્ણય તમને 25 રૂપિયા સુધીનું સસ્તું પેટ્રોલ અને ડિઝલ અપાવી શકે છે. પેટ્રોલ-ડિઝલની કિંમત ફરી એક વખત વધી ગઇ છે. ગુરુવારે દિલ્હીમાં 1 લિટર પેટ્રોલ 69.81 રૂપિયામાં મળી રહ્યુ છે જ્યારે ડિઝલ માટે 59.47 રૂપિયા ચુકવવા પડી રહ્યા છે. ક્રૂડ ઓઇલની કિંમતમાં વધારો થતા આ અસર જોવા મળી રહી છે.પરંતુ નવા વર્ષમાં સરકાર તમને ક્રૂડ ઑઇલની વધતી કિંમતોથી છૂટકારો અપાવી શકે છે.

સરકાર પેટ્રોલ અને ડિઝલને GST હેઠળ લાવી શકે છે. GST હેઠળ લાવવાનું એટલા માટે નક્કી માનવામાં આવી રહ્યુ છે કેમકે વિત્ત મંત્રી અરૂણ જેટલી અને ઑઇલ મિનિસ્ટર ધર્મેન્દ્ર પ્રધાન આ અંગેના સંકેટ આપી દે છે.

ઑઇલ મિનિસ્ટર ધર્મેન્દ્ર પ્રધાન પેટ્રોલ-ડિઝલની વધતી કિંમતમાંથી છૂટકારો આપવા માટે તેમણે GST હેઠળ લાવવા માટેની ભલામણ કરી ચૂક્યા છે. વિત્ત મંત્રી અરૂણ જેટલીએ પણ કહ્યુ કે તમામ રાજ્યોની મંજૂરી પછઈ તેણે GSTમાં શામેલ કરી દેવામાં આવશે. GSTમાં આવ્યા પછી પેટ્રોલ અને ડિઝલ પર વધારેમાં વધારે 28% ટેક્સ લગાવવામાં આવી શકે છે. એવામાં પેટ્રોલ-ડિઝલ હાલમાં કિંમતથી સસ્તું પડી શકે છે.

પહેલા તો એ સમજીએ કે કઇ રીતે તમને એક લિટર પેટ્રોલ 69 રૂપિયામાં મળે છે. ઇન્ડિયન ઑઇલ કંપનીએ 25 ડિસેમ્બરના જાહેર કરીને પેડ-અપ પ્રાઇસ ડિટેલ અનુસાર ક્રૂડ ઑઇલ ખરીદવા અને રિફાઇનરીનો ખર્ચ મળ્યા પછી કંપની ડીલરને 1 લિટર પેટ્રોલ 31.78 રૂપિયામાં વેચે છે. જે પછી ડીલર કમિશન (સરેરાશ) 3.58 રૂપિયા જોડે છે. કેન્દ્ર એક લિટર પેટ્રોલ પર 19.48 રૂપિયાની એક્સાઇઝ ડ્યૂટી વસૂલે છે. દિલ્હીમાં 14.81 રૂપિયાનો વેટ લાગે છે. આ તમામને મેળવીને 1 લિટર પેટ્રોલ માટે તમારે 69.65 રૂપિયા ચૂકવવા પડે છે.

આ જ રીતે ડિઝલ માટે (25 ડિસેમ્બર અનુસાર) કંપનીઓને ડિલર પાસેથી 32.61  રૂપિયા વસૂલે છે. જેમાં 2.52 રૂપિયા (સરેરાશ) ડિલર કમિશન જોડે છે. તે પછી 15.33 રૂપિયાની એક્સાઇઝ ડ્યૂટી અને 8.74 રૂપિયોને વેટ લાગે છે. આ રીતે એક લિટર માટે 59.20 રૂપિયા ચૂકવવા પડે છે.

GST  હેઠળ થશે આ બદલાવ:

આગામી વર્ષમાં સરકાર પેટ્રોલ અને ડિઝલને GST હેઠળ લાવવાનો નિર્ણય કરે તો તેના પર લાગતી એક્સાઇઝ ડ્યૂટી અને વેટ ખત્મ થઇ જશે. સરકારને પેટ્રોલ-ડિઝલથી સૌથી વધારે રેવેન્યુ મળે છે. એવામાં એવું માનવામાં આવે છે કે સરકાર તેના પર 28% GST લગાવશે.

આ રીતે મળશે સસ્તું પેટ્રોલ:

કંપનીઓ એક લિટર પેટ્રોલ માટે ડીલર પાસેથી 31.78 રૂપિયા વસૂલે છે. જેમાં 3.58 રૂપિયા ડીલરનું કમિશન જોડાય છે. આ રીતે એક લિટર પેટ્રોલની કિંમત 35.36 પહોંચી જાય છે. GST હેઠળ વેટ અને એક્સાઇઝ ડ્યૂટીની બદલે 28% ટેક્સ લાગી શકે છે.

28% ટેક્સ લાગવા પર 35.36માં 9.90 રૂપિયા ઉમેરાશે આ રીતે એક લિટર પેટ્રોલ માટે તમારે 45.26 રૂપિયા ચૂકવવા પડશે.

આ રીતે મળશે સસ્તુ ડિઝલ:

હાલમાં કંપનીઓ ડિલરને એક લિટર ડિઝલ માટે 32.61 રૂપિયામાં વેચે છે. જેમાં ડીલરનું કમિશન 2.52 રૂપિયા ઉમેરાય છે. આ રીતે એક લિટર ડિઝલ 35.13 રૂપિયા થઇ જશે.

28% ટેક્સ લાગવા પર 35.13 માં 9.90 રૂપિયા ઉમેરાશે આ રીતે એક લિટર પેટ્રોલ માટે તમારે 44.96 રૂપિયા ચૂકવવા પડશે.

GST હેઠળ આવવા પછી ક્રૂડ ઑઇલની કિંમત વધવા અને ઘટવાની અસર પેટ્રોલ અને ડિઝલની કિંમતો પર પડશે. જોકે આનાથી તેની કિંમતમાં મોટા સ્તર પર બદલાવ નહી આવે. કેમકે તેના પર લાગતો ટેક્સ ફિક્સ રહેશે.

જોકે સરકાર 28% ટેક્સ લગાવવા પર સેસ લગાવી શકે છે પરંતુ આ પછી પેટ્રોલ અને ડિઝલની કિંમતોમાં હાલમાં સમય કરતા ઓછી રહેશે.

નોટ: પેટ્રોલ-ડિઝલની કિંમત અને તેના પર થતો ખર્ચ 25 ડિસેમ્બરના હિસાબથી લેવામાં આવ્યા છે. ક્રૂડ ઑઇલની કિંમતની બદલાવથી એક લિટર પેટ્રોલ  તૈયાર થતા પૂરા ખર્ચામાં બદલાવ આવે છે જેનાથી ખર્ચ વધારે પણ થઇ શકે છે.