નવી દિલ્હી: પેટ્રોલ અને ડિઝલની કિંમતોમાં ફરી વધારો થયો છે. આંતરરાષ્ટ્રીય સ્તર પર કાચા તેલની કિંમતો સતત વધતી જઇ રહી છે. ત્યારે સોમવારે મુંબઇમાં એક લીટર પેટ્રોલ 80 રૂપિયા ઉપર પહોચી ગઇ છે. અને ડિઝલ માટે લોકોને 67 રૂપિયા ચુકવા પડી રહ્યા છે. વધતી કિંમતો વચ્ચે સરકારે કહ્યું કે તેઓ સતત પેટ્રોલ અને ડિઝલને GSTમાં સામેલ કરવાના પ્રયાસમાં લાગી છે.
સોમવારે પેટ્રોલની કિંમતો એક વખત ફરીથી એક્સાઇઝ ડ્યૂટી ઘટાડ્યા પહેલાના સ્તર પર પહોંચી ગઇ છે. ડિઝલની પણ આવી જ સ્થિતિ છે. સોમવારે દિલ્હીમાં પેટ્રોલની કિંમત 72 રૂપિયા પાર કરી ગઇ છે. જો કે પેટ્રોલિયમ મંત્રી ધર્મેન્દ્ર પ્રધાને કહ્યું છે કે સરકાર પેટ્રોલ ડિઝલ અને કેરોસીનને GSTમાં સામેલ કરવાના પ્રયાસ કરી રહી છે. એના માટે પ્રયત્નો કરવામાં આવી રહ્યા છે.
એમને આશા વ્યક્ત કરી છે કે જીએસટી પરિષદ જલ્દીથી જ એને લઇને નિર્ણય લઇ શકે છે. પેટ્રોલ અને ડિઝલની સતત વધતી કિંમતોને લઇને એમને કહ્યું કે આંતરરાષ્ટ્રીય સ્તર પર સતત કાચા તેલની કિંમતો વધી રહી છે. જો પેટ્રોલ ડિઝલની જીએસટીની અંદર લાવવામાં આવે તો એનાથી આ બંનેની કિંમતો 50 રૂપિયાની અંદર આવી શકે છે. એનાથી કેન્દ્રીય સ્તર પર લાગતી એક્સાઇઝ ડ્યૂટી અને રાજ્યોની તરફથી વસૂલવામાં આવતા ટેક્સથી સામાન્ય નાગરિકને છુટકારો મળી જશે. જીએસટી હેઠળ એની પર પરિષદ વધારેને વધારે 28 ટકા જીએસટી લાગી શકે છે.
એની સાથે એ પણ શક્ય છે કે સરકાર કેટલાક એકસ્ટ્રા સેસ પણ એની સાથે લગાવે. જો કે હજુ એને લઇને કોઇ સહમતિ બની નથી. એનાથી ભલે સામાન્ય જનતાને રાહત મળે પરંતુ રાજ્યોને એનાથી રાજસ્વમાં મોટું નુકસાન ઊઠાવવું પડી શકે છે. આ જ કારણ છે કે બધા રાજ્યો એના માટે પોતાની સહમતિ આપવામાં સમય લગાવી રહ્યા છે.