દેશમાં વર્તમાન સમયમાં પેટ્રોલ-ડીઝલના ભાવ દિન પ્રતિદિન વધી રહ્યા છે. પેટ્રોલ-ડીઝલના વધતા ભાવને લઈને સામાન્ય જનતા પર ભારે બોઝ પડી રહ્યો છે. જોકે કોંગ્રેસ પણ પોતાનો રોલ ભજવવામાં નિષ્ફળ રહ્યું હોય તેવું દેખાઈ રહ્યું છે. મોંઘવારી વધી રહી છે. પેટ્રોલ-ડિઝલના ભાવ છેલ્લા એક મહિનામાં 6થી 7 રૂપિયા મોંઘું થયું છે.
જોકે વિપક્ષ આ મુદ્દે સરકાર વિરુદ્ધ પોતાનો રોલ ભજવવામાં નિષ્ફળ રહ્યું છે. વિપક્ષ સરકાર વિરુદ્ધ કોઈ આકરું વલણ નથી અપનાવી રહ્યું કે ન તો ભાવ વધારાનો વિરોધ થઈ રહ્યો છે. એક સમય હતો. જ્યારે યુપીએ સરકારના શાસનમાં તત્કાલિન મુખ્યમંત્રી નરેન્દ્ર મોદી પેટ્રોલ-ડીઝલના ભાવ વધારાનો કડકાઈથી વિરોધ નોંધાવતા હતા.
યુપીએના શાસનકાળમાં પેટ્રોલના ભાવ વધતાં જ વિરોધનો વંટોળ શરૂ થઈ જતો હતો. ખુદ નરેન્દ્ર મોદીએ પણ પેટ્રોલના ભાવ ઘટાડવા માટે સરકાર વિરુદ્ધ કડક વલણ દાખવ્યું હતું. જોકે વર્તમાન સમયમાં સરકાર સામે વિપક્ષનો રોલ ભજવવામાં કોંગ્રેસ નિષ્ફળ નિવડી છે. જોકે એક સમયે નરેન્દ્ર મોદી પેટ્રોલ ડીઝલના ભાવ વધારાનો વિરોધ કરી રહ્યા હતા. ત્યારે હાલના તબક્કે કેમ ચુપ છે.
મહત્વનું છે કે પેટ્રોલિમયમ પેદાશ પર સરકારની નવી નીતિની અસર કંઈક એવી રીતે થઈ રહી છે કે ભાવ વધી રહ્યો છે તેમ છતાં ન વિરોધ થયો કે ન હંગામો. લોકો એક તરફ તહેવારોની ઉજવણી કરવામાં વ્યસ્ત હતાં. ત્યાં બીજી બાજુ સરકાર સતત પેટ્રોલ-ડિઝલના ભાવમાં વધારો કરતી રહી. જુલાઈ મહિનાથી સતત પેટ્રોલના ભાવમાં વધારો થતો રહ્યો છે. 1 જુલાઈએ અમદાવાદમાં પેટ્રોલનો ભાવ 64 રૂપિયા 67 રૂપિયા હતો. જે અત્યારે 71.24 રૂપિયા છે. એટલે કે પેટ્રોલના ભાવમાં સાડા છથી સાત રૂપિયાનો વધારો નોંધાયો છે.
જ્યારે ડીઝલમાં પણ પાંચ રૂપિયા જેટલો વધારો નોંધાયો છે. 16 જૂનથી સરકારે પેટ્રોલિયમ પ્રોડક્ટ પર ડાયનામિક પ્રાઈઝ સિસ્ટમને લાગુ કરવાની મંજૂરી આપી હતી. આ સિસ્ટમ લાગુ કરવા પૂર્વે દાવો કરાયો હતો કે આંતરરાષ્ટ્રીય માર્કેટના હિસાબે પેટ્રોલિયમ પેદાશોની કિંમત નક્કી થશે. જોકે દાવો ખોટો સાબિત થયો છે. આંતરરાષ્ટ્રીય બજારમાં ક્રુડ ઓઈલના ભાવમાં 2 ડોલર જેટલો ઘટાડો નોંધાયો છે. તેમ છતાં સામાન્ય જનતા સુધી તેનો લાભ પહોંચ્યો નથી અને સતત પેટ્રોલના ભાવમાં વધારો ઝીંકાયો છે.
તેરી ભી ચુપ મેરી ભી ચુપ !
પેટ્રોલ-ડીઝલના ભાવમાં સતત વધારો
સામાન્ય જનતા પર પડી રહ્યો છે વધારાનો બોઝ
પેટ્રોલ-ડીઝલના ભાવમાં ભડકો છતાં ન વિરોધ કે હંગામો
વિપક્ષ તરીકે રોલ ભજવતી કોંગ્રેસ પણ નિષ્ફળ
ભાવમાં સતત વધારો થવાં છતાં કડક વલણ નહીં
1 જુલાઈ પછી સતત પેટ્રોલ-ડીઝલના ભાવમાં વધારો
પેટ્રોલના ભાવમાં 6થી 7 રૂપિયાનો વધારો
ડીઝલના ભાવમાં 4થી 5 રૂપિયાનો વધારો
તત્કાલિન મુખ્યમંત્રી નરેન્દ્ર મોદી નોંધાવતા હતા વિરોધ
યુપીએ સરકાર વિરુદ્ધ વિપક્ષ તરીકે અપનાવ્યું કડક વલણ