લોકોને પેટ્રોલ પંપ પર કેટલીક સુવિધા બિલ્કુલ મફતમાં મળે છે. જો ના મળે તો તેની ફરિયાદ પણ કરી શકો છો અને જો આ ફરિયાદ સાચ્ચી હશે તો પેટ્રોલ પંપનું લાઇસન્સ પણ રદ્દ થઇ શકે છે.
જો તમને આ સુવિધા પેટ્રોલ પંપ પર નથી મળતી તો તમે ફરિયાદ કરી શકો છો આ માટેની વેબસાઇટ http://pgportal.gov.in/ પર જઇને ફરિયાદ દાખલ કરી શકો છો.
પેટ્રોલની કિંમત:
લોકોને પેટ્રોલની કિંમત જાણવાનો હક છે .આ માટે પેટ્રોલ પંપ પર પેટ્રોલ અને ડિઝલની કિંમત મોટા અક્ષરોમાં લખેલી હોવી જોઇએ.
બિલ:
પેટ્રોલ ભરાવ્યા પછી બિલ માંગવાનો સૌનો અધિકાર છે. જો કોઇ પણ પ્રકારની છેતરપિંડીનો શિકાર બનો અને જો બિલ હશે તો તે અંગેની ફરિયાદ કરી શકો છો.
ક્વૉલિટી ચેક:
પેટ્રોલ પંપ પર પેટ્રોલ અને ડિઝલની કવૉલિટી ચેક કરવાનો અધિકાર પણ લોકોને છે જો આ સુવિધા ન મળે તો આ અંગેને ફરિયાદ નોંધાવી શકાશે.
હવા ભરવાનું ફ્રી:
તમામ પેટ્રોલ પંપ પર ગાડીઓમાં હવા ભરવાની સુવિધા આપવાની અર્નિવાય છે. આ માટે પેટ્રોલ પંપ ડિલરને તમારે પંપ પર હવા ભરવાની ઇલેક્ટ્રોનિક મશીન અને ગાડીઓમાં હવા ભરનાર માણસને નિયુક્ત કરવો જરૂરી છે. એક વાત બીજી કે આ સર્વિસ માટે પેટ્રોલ પંપ માલિક અથવા તો નિયુક્ત વ્યકિત પૈસા ન માંગી શકે. આ સુવિધા મફત આપવામાં આવે છે. જો કોઇ પેટ્રોલ પંપ પર આ સુવિધા માટે પૈસા માંગે છે તો તેના વિરુદ્ઘ ઑઇલ કંપનીને ફરિયાદ કરી શકાશે.
ફર્સ્ટ એડ બોક્સ:
તમામ પેટ્રોલ પંપ પર ફર્સ્ટ એડ બોક્સની સુવિધા હોવી જોઇએ જેથી સામાન્ય વ્યકિત પણ તેનો ઉપયોગ કરી શકે. આ બૉક્સમાં દવાઓ અને બેન્ડએડ હોવી જોઇએ. આ સાથે જ દવાઓ પર એક્સપાઇરી ડેટ પણ લખી હોવી જોઇએ. આ બોક્સમાં દવાઓ જૂની ન હોવી જોઇએ. જો પેટ્રોલ પંપ તમારી માંગ પર પણ ફર્સ્ટ એડ બોક્સ આપવાનો ઇન્કાર કરે તો તમે ફરિયાદ કરી શકો છો.
પીવા માટે શુદ્ઘ પાણી:
પેટ્રોલ પંપ પર ડિલર તમારા પંપ પર સામાન્ય લોકોની સુવિધ માટે મફતમાં પાણી પીવની સુવિધા આપતો હોવો જોઇએ. આ માટે પેટ્રોલ પંપ ડિલરને આરઓ મશીન વૉટર કૂલર અને પાણીનું કનેક્શન પોતાની જાતે જ લાગવાનું રહેશે. જો કોઇ પંપ પર પીવાના પાણીની સુવિધા ન મળે તો તે માટે માર્કેટિંગ કંપનીને ફરિયાદ કરી શકો છો.
ફૉન કૉલની સુવિધા:
જો તમે રસ્તા પર કોઇ પરેશાનીમાં મૂકાઇ જાઓ છો અને તમારી પાસે મોબાઇલની સુવિધા નથી તો ડરવાની જરૂર નથી. તમે કોઇ પણ પેટ્રોલ પંપ જઇને કોઇ પણ નંબર પર કૉલ કરી શકો છો. આ માટે પેટ્રોલ પંપ પર તૈનાત કર્મચારી અથવા તો મેનેજર તમને ઇન્કાર નહી કરી શકે. આ સુવિધા પેટ્રોલ પંપ પર ફ્રીમાં મળશે.
વૉશરૂમની સુવિધા:
પેટ્રોલ પંપ પર સ્વચ્છ વૉશરૂમની સુવિધા લોકોને મળવી જોઇએ. આ સુવિધા માટે તમને કોઇ ઇન્કાર નહી કરી શકે. જો પેટ્રોલ પરંપ ખરાબ અને અસુવિધા ધરાવતા વૉશરૂમ હશે તો તમે તેની ફરિયાદ ઑઇલ કંપનીને કરી શકો છો.
ફરિયાદ બૉક્સ અથવા તો રજિસ્ટર:
જો તમે પેટ્રોલ પંપની સુવિધાથી સંતુષ્ટ નથી તો ફરિયાદ કરી શકો છો. આ માટે પેટ્રોલ પંપ પર ફરિયાદ બોક્સ અથવા તો રજિસ્ટરમાં આ અંગેની જાણકારી લખી શકો છો.