નવા વર્ષમાં લોકોને મળી મોટી રાહત ગેસ સિલેન્ડરના ભાવમાં ઘટાડો

નવી દિલ્હી: નવા વર્ષ પર તેલ કંપનીઓ તરફથી રસોઇ ગેસમાં ગ્રાહકોને મોટી રાહત આપવામાં આવી છે. રસોઇ ગેસ સિલેન્ડરની કિંમતમાં સાડા ચાર રૂપિયા ઓછા થયા છે. એક જાન્યુઆરીથી નવો દર અમલમાં મૂકાશે. સરકારે 14.2 કિલો વાળા ગેસ સિલેન્ડરની કિંમત 822.50 રૂપિયાથી ઘટીને 818.00 રૂપિયા કરી દેવામાં આવી છે. એ પ્રકારે 19 કિલો વાળા કોમર્શિયલ સિલેન્ડરની કિંમત પણ 1451 રૂપિયાથી ઘટાડીને 1447 રૂપિયા સુધી થઇ ગઇ છે. 

એ રીતે કોમર્શિયલ સિલેન્ડરની કિંમતોમાં 4 રૂપિયા અને ઘરેલૂ ગેસ સિલેન્ડરની કિંમતમાં સાડા ચાર રૂપિયાનો ઘટાડો થયો છે. જાન્યુઆરીમાં પ્રતિ સિલેન્ડર કેશ સબ્સિડી 320 રૂપિયા મળશે. ડિસેમ્બર 2017માં આ રકમ 325.31 રૂપિયા હતી. આ રીતે સબ્સિડીમાં 4.61 રૂપિયાની કમી આવી છે. ઘરેલૂ ગેસની કિંમતોમાં કિંમત ઓછો થવાનો ફાયદો માત્ર એ જ ગ્રાહકોને મળશે જે સબ્સિડી લેતા નથી. આ પહેલા ઇન્ડિયન ઓઇલ કોર્પોરેશને પોતાના ગ્રાહકોને રાહત આપવા માટે ફેસબુક અને ટ્વિટર દ્વારા બુકિંગની સુવિધા શરૂ કરી છે.

નોંધનીય છે કે હવે તમે ફેસબુક અને ટ્વિટરના માધ્યમથી પણ એલપીજી ગેસ સિલેન્ડરનું બુકિંગ કરી શકો છો. હાલમાં આ સુવિધા ઇન્ડિયન ઓઇલ કોર્પોરેશન તરફથી શરૂ કરી દેવામાં આવી છે. 

આવી રીતે કરો ફેસબુક ટ્વિટરથી બુકિંગ

સૌથી પહેલા તમે તમારા ફેસબુક અકાઉન્ટ લોગિન કરો. ઇન્ડિયન ઓઇલ કોર્પોરેશન લિમિટેડના સત્તાવાર પેજ https://www.facebook.com/IndianOilCorpLimited પર જાવ. ટોપ રાઇટ સાઇડમાં તમને બુક નાઉનું બટન જોવા મળશે. આ બટન પર ક્લિક કરો. એક નવું વેબ પેજ ખુલશે. કન્ટિન્યૂ બટન પર ક્લિક કરો. એલપીજી આઇડી માંગવામાં આવશે. બુક નાઉનો વિકલ્પ મળશે. બુકિંગ બાદ મોબાઇલ પર કન્ફર્મેશન મળી જશે.