Paytmના યૂઝર્સ માટે ખુશખબર શરૂ થવા જઇ રહ્યા છે 1 લાખથી વધારે ATM

નવી-નવી શરૂ થયેલી Paytm પેમેન્ટ્સ બેંક દેશભરમાં એક લાખથી વધારે 'Paytmનું ATM' શરૂ કરવા જઇ રહી છે. દેશભરમાં બેંકિંગ સર્વિસના વિસ્તાર માટે પેટીએમે દ્વારા આ નિર્ણય લેવામાં આવ્યો છે. કંપની ઑફલાઇન ડિસ્ટ્રિબ્યૂશન નેટવર્ક વધારવા માટે આગમી 3 વર્ષમાં 3000 કરોડ રૂપિયાથી વધારે ખર્ચ કરશે. આ માટે ભરોસાપાત્ર સ્થાનિક પાર્ટનર્સની મદદથી રોકડની લેવડ-દેવડના કેંદ્રો સ્થાપિત કરવામાં આવશે.

Paytm પેમેન્ટ્સ બેંકના એમ.ડીએ જણાવ્યુ કે Paytmનું ATM બેંકિગ આઉટલેટ દરેક ભારતીય માટે બેંકિગ સુવિધાઓની સુલભતાને સુનિશ્ચિત કરવા માટેની દિશામાં આ પગલું લેવામાં આવ્યુ છે.તેમણે કહ્યુ કે અમે માનીએ છીએ કે ''સ્થાનિક સ્તરનું બેંકિંગ મૉડલ હજુ સુધી બેંકિંગ સર્વિસથી દૂર રહી રહેલા લોકો માટે સારી બેંકિંગ સુવિધાઓ અપાવવામાં મહત્વની ભૂમિકા નિભાવશે.''

આ ATM પડોશની દુકાનોની જેમ જ હશે. જે Paytm  પેટીએમના વ્યાવસાયિક પ્રતિનિધિ તરીકે કામ કરશે અને બચત ખાતા ખોલવા પૈસા જમા કરવા કે કાઢવા જેવી સુવિધાઓ પણ આપશે. પ્રથમ ચરણમાં Paytm દિલ્હી NCR લખનઉ કાનપૂર અલાહાબાદ વારાણસી અને અલીગઢ સહિત અમુક શહેરોમાં 3000 Paytmના ATM લગાવાઈ રહ્યા છે.

17 કરોડ સેવિંગ્સ અને વોલેટ એકાઉન્ટ્સની સાથે Paytm પેમેન્ટ બેંક બેકિંગ ઇન્ડસ્ટ્રીમાં નવો બિઝનેસ મૉડલ તૈયાર કરવા ઇચ્છે છે જેનાથી ફાઇનાન્સિયલ સર્વિસથી દૂર દેશભરના 5 કરોડ જેટલા લોકો સુધી પહોંચાડવાનો લક્ષ્ય છે. મે 2017માં રિઝર્વ બેંક ઑફ ઈંડિયાએ બ્રાંચ ઑથોરાઈઝેશન પૉલિસીને ઉદાર બનાવીને અને બેંક બૉર્ડ્સની ભૂમિકા નવા નિર્દેશોના પાલન સુનિશ્ચિત કરાવવા સુધી વિસ્તૃત કરી દીધી છે