પાટણ: ઓનલાઇન વેપાર મુદ્દે ખેડૂતોએ કર્યો વિરોધ પારદર્શક હરાજીની કરી માંગ

પાટણ માર્કેટયાર્ડમાં ચાલતા ઓનલાઇન વેપારના મુદ્દે ખેડૂતોએ વિરોધ કર્યો હતો. પાટણ જીલ્લા કિસાન ખેત મજદૂર કોંગ્રેસ સમિતિના નેજા હેઠળ ખેડૂતોએ વિરોધ કર્યો હતો. માર્કેટ યાર્ડના હોલમાં ખેડૂત સભા યોજીને કલેકટરને આવેદનપત્ર આપી રજૂઆત કરાઇ હતી. ઓનલાઈન વેપાર બંધ કરીને પહેલાની જેમ પારદર્શક હરાજી કરવામાં આવે તેવી ખેડૂતોએ માંગ કરી હતી. મોટી સંખ્યામાં ખેડૂતોએ વેપારનો વિરોધ કર્યો હતો. 

ખેડૂતોએ ચીમકી ઉચ્ચારી હતી કે જો આવનારા દિવસોમાં અમારી માંગ સંતોષવામાં નહિ આવેતો ઉગ્ર આંદોલન કરવામાં આવશે..ખેડૂતોની માંગ છે કે અમે એટલા જાણકાર નથી કે ઓનલાઈન વેપાર કરી શકીએ .અને ઓનલાઈન વેપારથી આમારા માલના પૈસા પણ 10 દિવસ સુધી અમને મળતા નથી. 

<iframe width="640" height="360" src="https://www.youtube.com/embed/PdUftB764eU" frameborder="0" allowfullscreen></iframe>