5 વર્ષથી નાના બાળકોનો પાસપોર્ટ બનાવવો થયો સરળ આ નિયમથી મળ્યો છુટકારો

નવી દિલ્હી: કેન્દ્ર સરકારે એ પેરેન્ટ્સને મોટી રાહત આપી દીધી છે જે પોતાના બાળકોના પાસપાર્ટ બનાવવાની તૈયારી કરી રહ્યા છે. 5 વર્ષથી નાના બાળકોનાો હવે પાસપોર્ટ બનાવવા માટે બાયોમેટ્રિક આપવાની જરૂર પડશે નહીં. કેન્દ્રીય વિદેશ રાજ્યમંત્રી વી.કે. સિંહએ લોકસભામાં આ જાણકારી આપી છે. 

કેન્દ્રીય મંત્રીએ લોકસભામાં આપેલા એક લેખિત નિવેદનમાં આ જાણકારી આપી છે. એમને જણાવ્યું કે 5 વર્ષ સુધીની ઉંમરના બાળકો ને પાસપોર્ટ માટે એપ્લિકેશનને પ્રોસેસ કરવા માટે એમાંથી છુટકારો આપવામાં આવ્યો છે. 

જો કે આ બાળકોને પાસપોર્ટ બનાવવા દરમિયાન હાજર રહેવું પડશે. કારણ કે પાસપોર્ટ પર પ્રિન્ટ કરવા માટે એમનો ફોટો લેવામાં આવશે. 

કેન્દ્રીય મંત્રી વી.કે. સિંહએ કહ્યું કે વિદેશ મંત્રાલયને પાસપોર્ટ બનાવવા માટે બાળકોની ફિંગરપ્રિન્ટ ના લેવાને લઇને અપીલ કરવામાં આવી હતી. ત્યારબાદ મંત્રાલયે એની પર ચર્ચા વિચારણા કરી અને ત્યારબાદ જ આ નિર્ણ લેવામાં આવ્યો. 

જૂન મહિનામાં કેન્દ્રીય વિદેશમંત્રી રાજ્યમંત્રી વી.કે. સિંહે જણાવ્યું કે બે વર્ષની અંદર દેશના દરેક 800  જિલ્લામાં પાસપોર્ટ બનાવવાની સુવિધા ઉપલબ્ધ કરાવવામાં આવશે. કેન્દ્ર સરકારની આ દરેક જિલ્લાના હેડ પોસ્ટ ઓફિસમાં પાસપોર્ટ સેવાઓ પૂરી પાડવાની યોજના છે. એમને જણાવ્યું હતું કે આ વર્ષે 150 પોસ્ટ ઓફિસ સેવા કેન્દ્ર ખોલવામાં આવી રહ્યા છે અને બે વર્ષની અંદરક દરેક 800  પોસ્ટઓફિસમાં આ સેવાનો આંરભ કરી દેવામાં આવશે.