નવી દિલ્હી: પાકિસ્તાનની ગુપ્તચર એજન્સી ISI દ્વારા 3 ભારતીય અધિકારીઓને હનીટ્રેપમાં ફસાવવા ષડયંત્રનો પર્દાફાશ થઈ ગયો છે.
અધિકારીઓ પાસેથી મહત્વની જાણકારી કઢાવવા માટે ISIએ આ જાળ બિછાવી હતી. હાલ ત્રણેય ભારતીય અધિકારીઓની પૂછપરછ ચાલી રહી છે. આ સપ્તાહમાં જ ત્રણેય અધિકારીએ ISIના આ ષડયંત્ર અંગે વિભાગને જાણકારી આપી હતી.
પાકિસ્તાની ગુપ્તચર એજન્સીનો અંદેશો ભારતીય અધિકારીને પહેલા જ થઈ ગયો હતો. તેમને તરત જ વરિષ્ઠ અધિકારીઓને એલર્ટ કર્યા હતા અને ત્યાર બાદ પાકિસ્તાનમાં રહેતા ત્રણેય ભારતીય અધિકારીઓને દિલ્લી પરત બોલાવી લીધા છે.
ભારતીય અધિકારી પાકિસ્તાનમાં ભાષા વિભાગમાં કામ કરી રહ્યા હતા અને તેમનું કામ ભારતથી આવતા મહત્વપૂર્ણ દસ્તાવેજોનું ટ્રાન્સલેશન કરવાનું હતું. ત્રણેય અધિકારીઓને પાકિસ્તાનની કોઈ હોટલમાં લઈ જઈ વિવાદાસ્પદ વીડિયો અને ફોટા લેવાની યોજના હતી અને આ વીડિયો અને ફોટા દ્વારા અધિકારીઓને બ્લેકમેલ કરવાનું ષડયંત્ર રચ્યું હતું. આ મામલે સરકાર આગામી કેટલાક દિવસો બાદ નિર્ણય લઈ શકે છે.