હાફિઝ સઇદ બન્યો ગળાનું હાડકું પાકને સતાવી રહ્યો છે હવે આવો ડર

લાહોર: આતંકીઓના આકા હાફિઝ સઇદ હવે પાકિસ્તાન માટે ગળાનું હાડકુ બની ગયો છે. પાકિસ્તાનની સરકારને હવે ડર સતાવી રહ્યો છે કે જો હાફિઝ સઇદને મુક્ત કરી દેવામાં આવ્યો તો પોતાના દેશ પર અનેક પ્રકારના પ્રતિબંધ લાગી શકે છે.

પાકિસ્તાનની પંજાબ સરકારે પાકિસ્તાની ન્યાયિક સમીક્ષા બોર્ડની સામે આ વાત કરી છે. જેમાં કહેવામાં આવ્યું છે કે હાફિઝ સઇદને નજરકેદ રાખવામાં નહી આવે તો આંતરરાષ્ટ્રીય સંગઠન નારાજ થઇ જશે અને પોતાની આ વાત રજૂ કરીને પંજાબ સરકારે હાફિઝની નજરકેદનો સમય ત્રણ મહિના વધારવાની પરવાનગી માગી છે.

અધિકારીએ બોર્ડને એવું પણ કહ્યું કે ફેડરલ નાણાંકીય મંત્રાલયની પાસે સઇદ વિરુદ્ધ કેટલાક મહત્વપૂર્ણ પુરાવા છે તો એની નજરકેદને યોગ્ય ગણાવે છે. એમને કહ્યું કે ખાનગી એજન્સીઓના રિપોર્ટના આધાર પર જ સઇદને નજરકેદ કરવામાં આવ્યો છે. બોર્ડે ફેડરલ નાણા મંત્રાલયને નિર્દેશ આપ્યો કે એ સઇદ માટે સંબંધિત રેકોર્ડ સોંપે. 

સઇદને કડક સુરક્ષાની વચ્ચે ન્યાયિક બોર્ડની સમક્ષ રજૂ કરવામાં આવ્યો હતો. એ દરમિયાન મોટી સંખ્યામાં હાફિઝના સમર્થક પણ કોર્ટ કચેરીમાં હાજર રહ્યા. સમર્થક હાફિઝના પક્ષમાં નારેબાજી કરતાં એને તરત મુક્ત કરવાની માંગ કરી રહ્યા હતા.