ભેટ પડી ભારે..! PM મોદીના લાહોર પ્રવાસનું પાકે. મોકલ્યું લાખોનું ફરફરીયું

પ્રધાનમંત્રી નરેન્દ્ર મોદી 2015માં અચાનક પાકિસ્તાનના તે સમયના પ્રધાનમંત્રી નવાઝ શરીફને જન્મ દિવસની ભેટ આપવા તો પહોંચી ગયા હતા.પરંતુ એ ભુલી ગયા કે પાકિસ્તાન પીઠ પાછળ ઘા ભોંકનારો પાડોશી દેશ છે.જે વાત આજે સાબિત થઈ ગઈ છે.પ્રધાનમંત્રી દોસ્તીની ભેટ આપવા પાકિસ્તાન તો પહોંચી ગયા હતા.

પરંતુ તે દોસ્તીની ભેટ સામે નાપાક પાકિસ્તાને દોસ્તીનું બિલ પકડાવી દીધું છે.પાકિસ્તાને પ્રધાનમંત્રી મોદીને લઈ જતાં ઈન્ડિયન એરફોર્સનાં વિમાનના રુટ નેવિગેશન ચાર્જ તરીકે રૂ. 2.86 લાખનું બિલ ભારતને મોકલ્યું છે.પ્રધાનમંત્રી મોદીને લઈ જતા આ વિમાને લાહોરમાં રોકાણ કરતા આ બિલ ભારતને પકડાવી દેવાયું છે.પાકિસ્તાનની આ સમગ્ર હરકત એક RTIમાં સામે આવી છે.

ઉલ્લેખનીય છે કે PM જૂન 2016માં ઇન્ડિયન એરફોર્સના વિમાન દ્વારા 11 દેશની મુલાકાતે ગયા હતા.વર્ષ 2015માં પ્રધાનમંત્રી મોદી જ્યારે રશિયા અને અફઘાનિસ્તાનના પ્રવાસથી પરત ફરી રહ્યા હતા.ત્યારે તે સમયના પાક.ના પ્રધાનમંત્રી નવાઝ શરીફના આગ્રહથી મોદી થોડીવાર માટે લાહોર રોકાયા હતાં.પરંતુ આ શુભેચ્છા મુલાકાતનું પાકિસ્તાને ફળરૂપી લાખોનું બિલ મોકલી આપ્યું છે.  

મહત્વનું છે કે નાપાક પાકિસ્તાને અવકાશમાંથી પસાર થવાના રૂપિયા ભારત પાસેથી વસુલ્યા છે.22 અને 23 મે 2016માં પ્રધાનમંત્રી મોદી ઈરાનની મુલાકાતે ગયા હતા તેના માટે રૂ.77 215 અને 4 જૂન 2016એ કતાર ગયા હતા ત્યારે રૂ. 59 215નું રુટ નેવિગેશન ચાર્જનું બિલ પાકિસ્તાને ભારતને પાઠવ્યું હતું.આ બંને મુલાકાત વખતે પ્રધાનમંત્રી મોદીનાં વિમાને પાકિસ્તાન ઉપરથી ઉડ્ડયન કર્યું હતું.આમ નાપાક સાથે દોસ્તી નિભાવવા ગયેલા પ્રધાનમંત્રીને ભેટ સ્વરૂપે લાખો રૂપિયાનું બિલ પાકિસ્તાને પકડાવી દીધું છે.