મુંબઇઃ એક બાજુ ફિલ્મ પદ્માવતીને લઇ ઠેર-ઠેર વિરોધ થઇ રહ્યો છે ફિલ્મ રિલીઝ કરવાને લઇ વિવાદો ચાલી રહ્યા છે. સેન્સર બોર્ડે પણ આ ફિલ્મને હજી સુધી મંજૂરી નથી આપી. ત્યારે મળતી માહિતી મુજબ આ ફિલ્મ મીડિયાની અમુક લોકોને અને રીપોર્ટરોને દેખાડવામાં આવી છે.
તેવામાં લોકો આ ફિલ્મને ઇન્ટરનેટ પર સર્ચ કરી રહ્યા છે. મોટી સંખ્યામાં લોકોએ આ ફિલ્મને ગુગલ પર સર્ચ કરી હતી. જેમાં પ્રાઇવેટ મોડમાં તમે ગુગલમાં "PADMAVATI" સર્ચ કર્યા બાદ "Padmavati Full Movie" લખેલું દેખાય છે. જેમાં યુટ્યૂબની લિંક જોડાયેલ હોય છે. તેને ખોલતા તેનો સમય 2 કલાક 55 મિનિટ દર્શાવાય છે.
મહત્વની વાત એ છે કે Padmavati full Movie | Hindi Dubbed 2017 નામનો વીડિયો છે. જેને લાખો લોકોએ જોયો છે. અંદાજિત 5 17 000 વાર જોવાઇ ચૂક્યો છે. પરંતુ ખાસ વાતતો એ છે કે આ વીડિયો FAKE છે. જેમાં કોઇ પદ્માવતી ફિલ્મ નથી.
લોકો Padmavati full Movieને ઓક્ટોબરથી ગુગલ પર સર્ચ કરી રહ્યા છે. આશ્ચર્યની વાત એ છે કે લોકોએ નવેમ્બરમાં મહિનામાં મોટી માત્રામાં સર્ચ માર્યું છે.
કોઇપણ ફિલ્મ રીલીઝ પછી ક્યારે યુટ્યુબ પર જોવા મળે છે?
હોલીવુડ બોલીવુડ કે કોઇપણ ફિલ્મ તરત યુટ્યુબ પર નથી જોઇ શકાતી. અને જે પણ અહીં ફિલ્મને સમય પહેલા અપલોડ કરે છે તો તેને યુટ્યુબ હટાવી દે છે. કોઇ પણ નવું ફિલ્મ આવે છે અને લોકો સીધું યુટ્યુબ પર શોધવા માંડે છે. અને ફુલ મુવી ટાઇટલ વાંચતા પ્લે કરે છે. તેવામાં એ વીડિયો ફેક નીકળે છે.