PAAS કન્વીનર નરેન્દ્ર પટેલ દિલ્હી જશે ટિકિટની કરશે માંગ

મહેસાણાઃ થોડા દિવસો પહેલા મહેસાણાના પાસના કન્વીનર નરેન્દ્ર પટેલ કોંગ્રેસમાં જોડાયા હતા. ત્યારે હવે નરેન્દ્ર પટેલ આગામી વિધાનસભાની ચૂંટણી માટે દિલ્હીમાં જશે. દિલ્હીમાં તેઓ કોંગ્રેસના નેતાઓ સાથે મુલાકાત કરશે.

મહત્વનુ છે કે નરેન્દ્ર પટેલે કોંગ્રેસ પાસેથી ટિકિટની માંગ કરી છે. અને કોંગ્રેસ ઉપાધ્યક્ષ રાહુલ ગાંધીના પ્રવાસ દરમિયાન નરેન્દ્ર પટેલ રાહુલ સાથે સ્ટેજ પર જોવા મળ્યા હતા.

ત્યારે હવે આગામી વિધાનસભાની ચૂંટણીમાં કોંગ્રેસ તરફથી ક્યા વિસ્તારમાંથી ટિકિટ આપવામાં આવશે તે આગામી દિવસોમાં જોવાનુ રહેશે.

ઉલ્લેખનીય છે કે ગુજરાત વિધાનસભાની ચૂંટણી પહેલા ચોંકાવનાર ખુલાસા સામે આવ્યો હતો. જેમાં ચૂંટણી પહેલા ભાજપને ઝટકો આપવામાં આવ્યા હતો. ઉતર ગુજરાતના પાસ કન્વીનર નરેન્દ્ર પટેલે કેશડ્રામા કરી નાટકીય રીતે ભાજપમાં જોડાયા હતા. અને ગણતરીના કલાકોમાં ઘટસ્ફોટ કર્યો હતો. અને ઓડિયો ક્લિપ રજૂ કરી હતી. ત્યારે હાલ તેઓ કોંગ્રેસ પાસે ટિકિટની માંગ કરશે.