કાબુલ: અફઘાનિસ્તાનની રાજધાની કાબુલની એક શિયા મસ્જિદમાં આજે આત્મઘાતી વિસ્ફોટમાં ઓછામાં ઓછા 30 લોકોનો મોત થયા છે અને અન્ય 45 લોકો ઘાયલ થયા છે.
નોંધનીય છે કે કાબુલમાં શિયા સમુદાય પર હુમલા ઓછા થવાનું નામ નથી લઈ રહ્યા ત્યારે એક આત્મઘાતી હુમલાવરે કાબુલમાં સ્થિત એક મસ્જિદમાં પોતાને બોંબથી ઉડાવી લીધો. જેમાં 39 લોકોના મોત નિપજ્યા છે. જ્યારે બીજો હુમલો મધ્યપ્રાંત ગહોરમાં કરાયો.
મળતી માહિતી મુજબ હુમલાખોરે સૌથી પહેલા કાબૂલના પશ્ચિમી જિલ્લાના દશ્ત-એ-બાર્ચી સ્થિત ઈમામ જમાન મસ્જિદને નિશાન બનાવ્યા છે. આ સમયે જુમ્માની નમાજ માટે મોટી સંખ્યામાં લોકો એકઠા થયા હતા. ઇસ્તેકલાલ હોસ્પિટલના પ્રમુખ મોહમ્મદ સાબિર નસીબે કહ્યું કે બે લાશને હોસ્પિટલમાં લાવવામાં આવી છે. કોઇ સંગઠનએ હાલમાં આ બાબતે કોઇ જવાબદારી લીધી નથી.