વડોદરા કોર્પોરેશના ડ્રાફ્ટ બજેટને લઇ વિપક્ષે કર્યો હોબાળો

વડોદરા કોર્પોરેશનનું 2018-19નું ડ્રાફ્ટ બજેટ 80.10 કરોડ વધારીને 3820 કરોડ કરાતા આજે વિપક્ષના કાઉન્સિલરો સ્થાઈ સમિતિની બજેટ સમીક્ષા બેઠકમાં પહોંચી વિરોધ વ્યક્ત કર્યો હતો.લોકોના માથે નખાયેલા વેરા હટાવવા માંગ કરાઈ હતી.

વડોદરા કોર્પોરેશન દ્વારા 2018-19 નું બજેટ રજૂ કરાયા બાદ વિપક્ષે વધારાના નખાયેલા 80.10 કરોડના વેરા સાથે લાગત મડી 200 કરોડના વેરાને નાબૂદ કરવાની માંગ સાથે આજે કોર્પોરેશન ખાતે વિરોધ વ્યક્ત કર્યો હતો. 2018-19 ના 3820 કરોડના ડ્રાફ્ટ બજેટની આજે સ્થાઈ સમિતિમાં સમીક્ષા ચાલી રહી હતી ત્યારે વિપક્ષના નેતા અને કાઉન્સિલરો બેઠક સ્થળે સુત્રોચ્ચાર સાથે ઘુસી ગયા હતા અને વિરોધ સાથે સ્થાઈ સમિતિ અધ્યક્ષ જીગીષાબેન શેઠને આવેદન આપી તમામ વેરા હટાવવા ની માંગ કરી હતી.

વિપક્ષનો આરોપ છે કે ઓક્ટ્રોય સહિતના 3300 કરોડ રાજ્ય સરકાર પાસેથી હજુ સુધી લીધા નથી જો આ રકમ રાજ્ય સરકાર પાસેથી લેવામાં આવે તો વડોદરાના લોકો પર વેરાનો મારો કરવાની જરૂર ના રહે સાથે સરપ્લેસ રકમ કોર્પોરેશન પાસે ઉપલબ્ધ રહે જોકે આ મામલે સ્થાઈ સમિતિ અધ્યક્ષે કહ્યું હતુ કે વિપક્ષની માંગને અમે ધ્યાને લઇ તેની સમીક્ષા કરી યોગ્ય નિર્ણય લઈશું.