નકલી ગુટખા બનાવતી ફેક્ટરીનો પર્દાફાશ 36 લાખના મુદ્દામાલ સાથે એકની ધરપકડ

ભરૂચના વાગરા ખાતેથી નકલી ગુટખા બનાવતી ફેકટરીનો પર્દાફાશ થયો છે. લોકલ ક્રાઇમબ્રાચની ટીમે નકલી ગુટખાનો પર્દાફાશ કર્યો હતો. પોલીસે ગુટખાની 23 બોરી રોમટીરીયલ તથા શેડની બહાર ઉભેલ ટેમ્પામાંથી ગુટખાની 70 બોરી ઝડપી હતી. પોલીસે કુલ રૂ. 36 લાખના મુદ્દામાલ  સાથે માલિકની ધરપકડ કરી છે.  આરોપી ફેકટરીનો માલિક ઝાહીદ ઇસ્માઇલ કે જે મુંબઈનો રહેવાસી છે.

ઉલ્લેખનીય છે કે દોઢ માસ અગાઉ ભરૂચ SOGના હાથે આરોપી ઝડપાયો હતો. જે સમયે વાગરા ફેકટરી ચલાવતો હતો. અને ત્યાંથી યુપી બિહારમાં નકલી ગુટખા મોકલતો હતો. પોલીસ જાપ્તામાંથી છૂટયા બાદ પુનઃ નકલી ગુટખા બનાવવાનું શરૂ કર્યું હતું. પોલીસે તેના રિમાન્ડ મેળવવાની તજવીજ હાથ ધરી છે.