અમદાવાદના ન્યુ રાણીપમાંથી દારૂની મહેફીલ ઝડપાઇ 30 લોકોની ધરપકડ

અમદાવાદ: એક તરફ લોકો ઉત્તરાયણની મજા માણવામાં વ્યસ્ત હતા ત્યારે બીજી તરફ અમદાવાદ શહેરના ન્યુ રાણીપ વિસ્તારમાં આવેલ ઝેસ્ટી ટ્રીટ હોટલના ધાબા પર ચાલી રહી હતી નબીરાઓની નશીલી મહેફીલ.આ તમામ નબીરાઓ પોતાની હાઇફાઇ કારનો કાફલો લઇને સવારથી જ હોટેલના ધાબા પર મોજ-મસ્તી માણી રહ્યાં હતા.

જેને પગલે સ્થાનિકો દ્વારા પોલીસને જાણ કરાઇ હતી ત્યારબાદ સાબરમતી પોલીસના P.I રાણા સાહેબ સહિતનો પોલીસ કાફલો હોટલ પર પહોંચ્યો હતો જ્યાં છાપામારી કરતા 30થી વધુ નબીરાઓને હુક્કા અને નશીલા પદાર્થ સાથે પકડી પડ્યા હતા.જેમાં પોલીસે 17 જેટલા યુવક અને 13 જેટલી યુવતીઓની ધરપકડ કરી હતી.

સમગ્ર મહેફિલની જાણ કંટ્રોલ દ્વારા સાબરમતી પોલીસને કરવામાં આવતા પોલીસ કાફલાએ હોટેલના ધાબા પર રેડ કરતા હોટેલના ધાબા પરથી 30થી વધુ યુવક-યુવતીઓ દ્વારા દારૂ અને હુક્કાનું સેવન કરતા ઝડપાયા હતા ત્યારે હોટેલના ધાબા પરથી જ 4થી 5 હુક્કા અને 15 જેટલી દારૂની ખાલી બોટલો મળી આવી હતી ત્યારે પોલીસે આ તમામ મુદ્દામાલ સાથે 8 ક્લાકથી વધુ તપાસ કરી યુવક-યુવતીઓની ધરપકડ કરી હતી.

નશાબંધીની વાત કરવામાં આવે ત્યારે ગુજરાતનું નામ મોખરે આવે છે પણ હાલ આ બનાવ જોતા લાગી રહ્યું છે કે ગુજરાતમાં શરાબ અને શબાબની મહેફીલની વાત આમ બની ગઇ છે.ગાંધીના ગુજરાતમાં જ નશાબંધીના કાયદનો અમલ કેટલો થાય છે તે તો આ દ્રશ્યો જ કહી બતાવે છે. જો કે આ ઘટનાને પગલે પોલીસ ઘટના સ્થળે તાત્કલિક અસરથી દોડી આવી હતી અને ગુનો નોંધીને તપાસના આદેશ આપ્યા હતા.