ગુજરાતમાં એક તરફ દારૂબંધીની ગુલબાંગો પોકારાઈ રહી છે ત્યાં બીજી તરફ બૂટલેગરો અને એ પણ મહિલા બુટલેગરો દારૂ ઉતારવા બાબતે જાહેર સ્થળે છૂટા હાથે મારામારી પર ઉતરી પડે તેવા દ્રશ્યો સર્જાય છે.
ચુસ્ત પોલીસ બંદોબસ્ત છતાં પણ ગુજરાતમાં દારૂનો સપ્લાય ચાલુ
દમણમાં એસટી ડેપોમાં જ મહિલા બુટલેગરો દારૂ ઉતારવા બાબતે છૂટા હાથની મારામારી પર ઉતરી પડી હતી. ત્યારે ચુસ્ત પોલીસ બંદોબસ્ત વચ્ચે પણ ગુજરાતમાં દારુનો સપ્લાય ચાલુ રહેતાં પોલીસ અને તંત્રની વિશ્વસનીયાતા સામે પ્રશ્નાર્થ ઉભા થયા છે.
ઉલ્લેખનીય છે કે ધોળા દિવસે દારૂ ઉતારવા મુદ્દે જાહેરમાં એસટી ડેપોમાં બે મહિલા બુટલેગરો મારામારી પર ઉતરતી લોકોના ટોળે ટોળે જોવા ઉમટી પડ્યા હતા. ત્યારબાદ પોલીસ ઘટના સ્થળે આવી ચઢી હતી અને મામલો થાળે પાડ્યો હતો.