નેશનલ ક્રશ પ્રિયા પ્રકાશ વારિયરે ફિલ્મના વધતા વિરોધ વચ્ચે સુપ્રીમની શરણ લીધી છે.ફિલ્મના ગીતને લઈને વિવિધ રાજ્યોમાં પોલીસ ફરિયાદ કરાઈ છે. જેની સામે પ્રિયા પ્રકાશે સુપ્રીમ કોર્ટમાં અરજી કરી છે. પ્રિયાએ તેની અરજીમાં અભિનેત્રી ખુશબુનું ઉદાહરણ આપ્યું છે.
મામલો એવો છે કે સાઉથ અભિનેત્રી ખુશબુએ વર્જિનિટી પર વિવાદાસ્પદ નિવેદન આપ્યું હતું. જેની સામે તેની ઉપર કેસ કરવામાં આવ્યો હતો. જોકે બાદમાં સુપ્રીમે તેની સામેના આરોપોને ફગાવી દીધા હતા. પ્રિયાની દલીલ છે કે ફિલ્મના જે ગીતનો વિરોધ થઈ રહ્યો છે તેમાં કાઇ જ વાધાંજનક નથી.
વધુમાં પ્રિયાનો દાવો છે કે આ 40 વર્ષ જૂનું ગીત છે જેનો વિરોધ હવે કેમ થઈ રહ્યો છે. ફિલ્મના ઓરુ અદાર લવના આ ગીતને લઈને હૈદરાબાદ અને મહારાષ્ટ્રમાં ફરિયાદ કરવામાં આવી છે.જેમાં મુસ્લિમ સમુદાયની ભાવના આહત થઈ હોવાનો દાવો કરાયો છે.તો હરિયાણામાં પણ બાળકોને પ્રિયાના વીડિયો નહીં બતાવવા ફરમાન જારી કરાયું છે.
ભાજપના નેતાએ પરીક્ષાનો સમય હોઈ વીડિયો પર બેન લગાવવા પ્રધાનમંત્રી મોદીને પત્ર લખ્યો છે. તેમની દલીલો છે કે આ વીડિયો જોઈને બાળકો બગડી રહ્યા છે અને તેની અસર તેમના અભ્યાસ પર પડી રહી છે.