AC રેસ્ટોરાંમાં ખાવાનું થશે સસ્તું GST માં 6 ટકા કાપ મૂકશે સરકાર

નવી દિલ્હી: હવે એસી રેસ્ટોરાંમાં ખાવાનું ખાવા પર તમારે ઓછો ટેક્સ આપવો પડશે. જીએસટી કાઉન્સિલ એવી રેસ્ટોરાંમાં લાગનાર 18 ટકા ટેક્સને ઘટાડીને 12 ટકા કરવા જઇ રહી છે. આ હિસાબથી હવે રેસ્ટોરાંમાં ખાવાના બિલમાં સીધા 6 ટકાનો લાભ લોકોને જલ્દી મળનાર છે. 

નોન એસી અને એસી રેસ્ટોરાંની વચ્ચે ટેક્સનું અંતર પૂરું થઇ જશે. રવિવારે મંત્રીઓના સમૂહમાં જીએસટી ઘટાડવા પર સહમતિ બનેલી હતી. સૂત્રોના જણાવ્યા અનુસાર મોટાભાગના રાજ્ય એસી રેસ્ટોરાં પર જીએસટી 18 ટકા ઘટાડીને 12 ટકા કરવાના પક્ષમાં છે. 

મંત્રીઓના સમૂહની એક વધારે બેઠક જલ્દી થશે. ફાઇવ સ્ટાર અથવા એનાથી ઊંચી કેટેગરીની હોટલમાં 18 ટકા જીએસટી ચાલુ રહેશે. એની પર નવેમ્બરમાં જીએસટી કાઉન્સિલની બેઠકમાં અંતિમ નિર્ણય શક્ય છે. 

નવેમ્બર બાદ એસી રરેસ્ટોરાં માલિકોને ઇનપુટ ટેક્સ ક્રેડિટનો લાભ પણ મળશે નહીં. એનું નામ લઇને રેસ્ટોરાં માલિક ગ્રાહકોના ખિસ્સા ખાલી કરી રહ્યા હતા. કેન્દ્ર સરકારે રાજ્યોના નાણામંત્રીઓની એક પેનલ બનાવી છે જે રેસ્ટોરાંમાં જીએસટી દરોના સ્લેબને ઓછો કરી શકે છે. જો કોઇ વ્યક્તિ હોટલમાં ખાવાનું ખાવા જાય છે તો એને રેસ્ટોરાંના હિસાબથી 12 થી લઇને 28 ટકા સુધી જીએસટી આપવો પડે છે. એમાં 28 ટકા જીએસટી 5 સ્ટાર હોટલની રેસ્ટોરાં પર લાગે છે.