ત્રીજા વિશ્વ યુદ્ધના ભણકારા વાગી રહ્યા છે. કોઈ પણ ઘડીએ ત્રીજું વિશ્વ યુદ્ધ ફાટી નીકળશે. ઉત્તર કોરિયાની નવી ધમકી બાદ આ શક્યતાઓને બળ મળ્યું છે. ઉત્તર કોરિયાએ સંયુક્ત રાષ્ટ્રમાં કબૂલાત કરી છે કે કોરિયાઈ મહાદ્રીપો પર તણાવની સ્થિતિ ચરમસીમાએ છે અને કોઈ પણ ઘડીએ યુદ્ધ થઈ શકે છે.
વિશ્વને ખુવાંર કરી શકે છે આ દુશ્મની
કોઈ પણ ઘડીએ છેડાઈ શકે છે બે રાષ્ટ્રો વચ્ચે યુદ્ધ
ઉત્તર કોરિયાનો ખુલ્લો સ્વીકાર
ત્રીજા વિશ્વ યુદ્ધના ભણકારા
વિશ્વના અનેક પ્રતિબંધો છતાં ઉત્તર કોરિયાને કોઈનો ડર નથી. ઉત્તર કોરિયા અને અમેરિકા વચ્ચેનો તણાવ ચરમસીમાએ પહોંચી ગયો છે. ખુદ ઉત્તર કોરિયાએ સ્વીકાર્યું છે કે પરિસ્થિતિ હવે કાબુ બહાર છે અને કોઈ પણ ઘડીએ ત્રીજુ વિશ્વયુદ્ધ છેડાઈ શકે છે. ઉત્તર કોરિયાનો દાવો છે કે અમેરિકા ગમે ત્યારે તેની ઉપર પરમાણું હુમલો કરી શકે છે અને તે જવાબ આપવા માટે મજબૂર છે. સંયુક્ત રાષ્ટ્રમાં ઉત્તર કોરિયાના હાઇકમિશ્ન્રે આ વાત કરી હતી. કિમ ઇન રયોંગે UNની નિરસ્ત્રીકરણ સમિતિ સમક્ષ કહ્યું કે ઉત્તર કોરિયા એકમાત્ર દેશ છે જે 1970ના દાયકાથી અમેરિકા દ્વારા સીધા પરમાણું હુમલાના જોખમમાં છે.
ઉત્તર કોરિયાના હાઇ કમિશ્નરે સંયુક્ત રાષ્ટ્રના મંચ પરથી એક રીતે ધમકી જ ઉચ્ચારી છે. કિમે કહ્યું કે ઉત્તર કોરિયાને પોતાની સુરક્ષા અધિકાર અંતર્ગત પરમાણું હથિયાર રાખવાનો હક છે. કિમે અમેરિકા તરફથી કોરિયાઈ મહાદ્વીપોમાં કરાયેલા શક્તિ પ્રદર્શનને લઈને પણ નિશાન સાધ્યું. વધુમાં તેમણે આરોપ મૂક્યો કે અમેરિકા કિમ જોંગને મારવા માટે એક ખતરનાક ઓપરેશન ચલાવી રહ્યું છે. સંયુક્ત રાષ્ટ્ર સંઘમાં પહેલીવાર ઉત્તર કોરિયાએ તેની પરમાણું તાકાતનો પરચો આપ્યો. કિમ ઇન રિયોંગે કહ્યું કે "ઉત્તર કોરિયા હવે એક પરમાણું શક્તિ બની ગયું છે જેની પાસે અલગ અલગ બોમ્બ છે જેમાં એટમ બોમ્બ હાઇડ્રોજન બોમ્બ અને આંતરમહાદ્રીપીય બેલેસ્ટિક રોકેટ્સ છે. સમગ્ર અમેરિકા અમારી મિસાઇલની રેન્જમાં છે અને જો અમેરિકા અમારા વિસ્તારમાં ઘૂસવાનો પ્રયાસ કરે છે અથવા અમારા વિસ્તારને એક ઈંચ પણ અડકશે તો તે અમારી તરફથી ખૂબ જ કઠોર સજાનું હકદાર હશે."
ઉત્તર કોરિયાએ સંયુક્ત રાષ્ટ્રમાં અમેરિકા દ્વારા લગાવાયેલા પ્રતિબંધો અને તેની ધમકીઓ વિશે પોતાનો પક્ષ રજૂ કર્યો. ઉત્તર કોરિયાના હાઇ કમિશ્નરે સ્પષ્ટ રીતે કહી દીધું છે કે જ્યા સુધી અમેરિકા પરમાણું હુમલાની ધમકી આપવાનું બંધ નહી કરે ત્યાં સુધી ઉત્તર કોરિયા તેના પરમાણું હથિયારો અને બેલેસ્ટિક મિસાઇલો વિશે કોઈ પણ ચર્ચા કરવા તૈયાર નથી.
મહત્વનું છે ડોનાલ્ડ ટ્રમ્પના સત્તામાં આવ્યા બાદથી અમેરિકા અને ઉત્તર કોરિયાના સંબંધો વધુને વધુ બગડયા છે. થોડા સમય પહેલા ટ્રમ્પ અને ઉત્તર કોરિયાના તાનાશાહ વચ્ચે ધમકીઓનો સિલસિલો શરૂ થયો હતો. બંને દેશોના વડાઓએ એકબીજાને ખુલ્લા યુદ્ધની ધમકીઓ આપી હતી. જે બાદથી ત્રીજા વિશ્વયુદ્ધની આશંકા વ્યક્ત કરાઈ રહી છે.