અમેરકા અને ઉત્તર કોરિયાના સંબંધોમાં કેટલાય વખતથી તણાવની પરિસ્થિતિ ચાલી રહી છે. ઘણીવાર યુદ્ધના ભણકારા વાગ્યા છે. હાલ મળતા સમાચાર મુજબ ફરી એકવાર બન્ને દેશ વચ્ચેની સ્થિતિ વણસી છે.
અમેરિકન ગુપ્તચર એજન્સી CIAના ડાયરેકટરે કહ્યું છે કે તેમને એ વાતની ચિંતા છે કે ઉત્તર કોરિયાની પાસે એવી ન્યુકિલયર મિસાઇલ છે. જેનાથી તેઓ એક મહિનાની અંદર અમેરિકા પર હુમલો કરી શકે છે. CIA ડાયરેકટર માઇક પૉમ્પિઓએ કહ્યું કે તેમની ગુપ્તચર એજન્સી સતત પ્યોંગયાંગ અને તેના નેતા કિમ જોંગ-ઉનથી સંભવિત ખતરા પર ચર્ચા કરે છે.
આ ઉપરાંત CIA હેડવાર્ટરમાં કહ્યું કે અમે તેમની એક મહિનાની અંદર અમેરિકા પર પરમાણુ હથિયારોથી હુમલો કરવાની ક્ષમતા અંગે ચર્ચા કરીએ છીએ. અમારું કામ અમેરિકાના રાષ્ટ્રપતિ સુધી આ અંગે ગુપ્ત માહિતી પહોંચાડવાનું છે. જેથી કરીને તેમની પાસે આ જોખમને બિન-રાજદ્વારી પદ્ધતિથી ઘટાડવાનો વિકલ્પ હોય.
ટ્રમ્પના કાર્યકાળના પહેલાં જ વર્ષમાં પ્યોંગયાંગની સાથે તણાવ
ઉત્તર કોરિયા પર દબાણ વધારવાના પરિણામરૂપે આ ક્ષેત્રમાં જીવનને ભયંકર નુકસાન થઇ શકે છે. જયાં અમેરિકાના બે મુખ્ય સહયોગી દેશ જાપાન અને દક્ષિણ કોરિયા પણ છે. પૉમ્પિઓએ કહ્યું કે જો કિમને હટાવાની કોશિષ કરાઇ અથવા તો પછી અમેરિકા પર પરમાણુ હુમલાની ક્ષમતાને સીમિત કરવાની કોશિશ કરાઇ તો તેનું ગંભીર પરિણામ આવી શકે છે.
રાષ્ટ્રપતિ ડોનાલ્ડ ટ્રમ્પના કાર્યકાળના પહેલાં જ વર્ષમાં પ્યોંગયાંગની સાથે તણાવ વધ્યો છે. તેમાં બંને દેશોના નેતાઓના એક-બીજા પર ખાનગી હુમલા પણ સામેલ છે. ટ્રમ્પે વચન આપ્યું હતું કે જો ઉત્તર કોરિયા પોતાના પરમાણુ કાર્યક્રમ પર લગામ લગાવશે નહીં તો તેને તેનું પરિણામ ભોગવવું પડશે. આ સિવાય કિમે ડોનાલ્ડ ટ્રમ્પ માટે દુષ્ટ જેવા શબ્દોનો પ્રયોગ કર્યો હતો.
પ્યોંગયાંગ કિમ જોંગ-ઉનથી સંભવિત ખતરા પર બાઝ નજર
ઉત્તર કોરિયા માટે રાષ્ટ્રપતિ ટ્રમ્પ જે ભાષાનો ઉપયોગ કર્યો હતો તે પ્યોંગયાંગ સાંભળી રહ્યું છે. પૉમ્પિઓએ કહ્યું કે જ્યારે તમે એક રાષ્ટ્રપતિ માટે આ પ્રકારની ભાષાનો ઉપયોગ કરતાં દેખાઓ છો. ત્યારે તેમને સાંભળવાવાળા કેટલાંય લોકો હોય અને હું તમને આશ્વસ્ત કરું છું કે કિમ જોંગ-ઉને સંદેશ સમજે છે કે અમેરિકા ગંભીર છે. બંને દેશોના નેતાઓની વચ્ચે જુબાની જંગ વધ્યા બાદ ઉત્તર કોરિયાએ કેટલાંય મિસાઇલ ટેસ્ટ પણ કર્યા.
જેને લઈને પશ્ચિમી દેશોમાં ચિંતાઓ વધી હતી. તણાવ ઉભો થયો હતો. ઉત્તર કોરિયાએ 2017ની સાલમાં ઓછામાં ઓછી 20 બેલેસ્ટિક મિસાઇલોનું પરિક્ષણ કર્યું તેમાંથી 3 ઇન્ટરકોન્ટિનેન્ટલ બેલીસ્ટિક મિસાઈલ ટેસ્ટ હતા. આંતરરાષ્ટ્રીય સમુદાયે ઉત્તર કોરિયાના સતત મિસાઇલ પરિક્ષણો ચાલુ રહેવાના કારણે તેના પર કેટલાંય આર્થિક પ્રતિબંધ પણ મૂકયા છે.