NOKIA130 મોબાઈલની આ છે ખાસિયત જાણો

Reliance jio ફોનની એન્ટ્રી થવાની તૈયારી છે ત્યાંરે નોકિયાએ પણ પોતાના નવા ફીચર ફોનનું વેચાણ શરૂ કરી દીધુ છે. આ ફોનનું નામ NOKIA130. આ ફોન કંપનીએ તાજેતરમાં જ લોન્ચ કર્યો હતો. ખાસ વાત એ છે કે નોકિયાના અન્ય ફોનની જેમ જ આ ફોન રિટેલ સ્ટોર પર ઉપલબ્ધ હશે. એટલે કે આ ફોનને ઓનલાઈન ખરીદી નહીં શકાય. 

આ ફોન નાના માણસને પણ પરવળે તેવો છે. તેની કિંમતની વાત કરીએ તો નોકિયાની માલિકી ધરાવતી કંપની HMD ગ્લોબલે આ ફોનને 1599 રૂપિયાની કિંમત સાથે ભારતીય બજારમાં ઉતાર્યો છે.ફોનના સ્પેસિફિકેશનમાં તેમા 1.8 ઇંચની ક્યૂવીજીએ સ્ક્રીન આપવામાં આવી છે. આ ફોનમાં ડાઈમેંશન 111.5X48.4X14.2 મિલીમીટર છે. તેની રિયર સાઈડમાં એક VGA કેમેરા આપવામાં આવ્યો છે. તેમાં એક LED ટોર્ચલાઈટ છે. 

માઈક્રો-USB પોર્ટ અને 3.5 એમએમ ઓડિયો જેક ટોપ પર છે. આ MP3ને પણ સપોર્ટ કરે છે અને તમે 32 GB સુધીનું માઈક્રોએસડી કાર્ડનો ઉપયોગ કરી શકો છો. ફોનમાં દમદાર બેટરી આપવામાં આવી છે. જેની મદદથી એક વખત ફૂલ ચાર્જ કર્યા બાદ તમે 44 કલાક સુધી FM રેડિયો સાંભળી શકો છો. જ્યારે 11.5 કલાક સુધી VIDEO પણ જોઈ શકાય છે. નોકિયા 130માં બ્લૂટૂથ સપોર્ટ પણ આપવામાં આવ્યું છે. NOKIA130 માં આપવામાં આવેલ કેમેરાની તસવીર અને વીડિયો ક્લિપ રેકોર્ટ કરી શકે છે. આ ફોન પણ નોકિયા 30+ સોફ્ટવેર પર ચાલે છે. નોકિયા 130માં એક વીજીએ રિયર કેમેરા આપવામાં આવ્યો છે. જેની સાથે મ્યૂઝિક પ્લેયર અને બ્લૂટૂથ વગેરેની સુવિધા આપવામાં આવી છે. આ ફોનમાં 1020 mAh બેટરી છે અને તે પણ નોકિયા સિરીઝ 30+ ઓપરેટિંગ સિસ્ટમ પર આધારિત છે.