NIFTYની લાંબી છલાંગ : માર્કેટ ખુલતા જ 9800ની સપાટી કરી પાર

શેરબજાર આજે શરૂઆતથી જ ઊંચાઇ સાથે ખુલવા પામ્યુ હતું. આ સાથે જ બેન્કિંગ શેરોમાં સુધારાની ખાસ ચાલ નોંધાતી જોવા મળી હતી. BSE સેન્સેક્સ ૧૭૦ પોઇન્ટના સુધારે ૩૧ ૪૨૯ જ્યારે NSE નિફ્ટી ૫૭ પોઇન્ટના સુધારા સાથે  આજે ૯૮૦૦ની સપાટી ક્રોસ કરીને ૯૮૧૧ની સપાટીએ ટ્રેડિંગમાં જોવા મળ્યુ હતુ.

શેરબજાર ખુલતાની સાથે જ આજે લ્યુપિન કંપનીના શેરમાં ૨.૮૨ ટકાનો સુધારો નોંધાયો હતો. ICICI બેન્ક અને AXIS બેન્કના શેરોમાં પણ 1% જેટલો ખાસ વધારો નોંધાયો હતો. આ દરમિયાન BSE મિડકેપ અને સ્મોલકેપ સેક્ટરના શેરમાં પણ ખાસ ખરીદી જોવા મળી હતી. બેન્ક નિફ્ટીમાં આજે શરૂઆતે ૦.૬ ટકાનો સુધારો નોંધાયો હતો. Automobile ફાર્માસ્યુટિકલ અને metel સેક્ટરના શેરમાં પણ સુધારાની ચાલ નોંધાતી જોવા મળી હતી.

Infosys નો શેર વધ્યો.
CEOના રાજીનામાને લઇને છેલ્લા કેટલાક દિવસથી ચર્ચામા રહેલ Infosys નો શેર આજે વધુ ઘટતો અટક્યો હતો. આ શેરમાં 1.95 ટકાનો સુધારો નોંધાતો જોવા મળ્યો હતો. આ શેર રૂ. ૮૮૫ના મથાળે શરૂઆતે ટ્રેડિંગમાં હતો. ગઇ કાલે છેલ્લે આ કંપનીનો શેર રૂ. ૮૭5ની સપાટીએ બંધ થયો હતો.