કચ્છ: સોશિયલ મીડિયાથી થયો પ્રેમ એરફોર્સ જવાને દીધો દગો યુવતીએ બળાત્કારની ન

કચ્છમાં સોશિયલ નેટવર્કિંગ મિડીયાના માધ્યમથી પ્રેમમાં ફસાયેલી યુવતીએ એરફોર્સના જવાન વિરુધ્ધ બળાત્કાર સહિતની ફરિયાદ નોંધાવી છે. મધ્યપ્રદેશની શિક્ષિત યુવતી ફેસબૂક અને વોટસએપના માધ્યમથી એરફોર્સ જવાનનાં પ્રેમમા પડી. ફરિયાદી 26 વર્ષની પીડિત યુવતી મધ્યપ્રદેશની રહેવાસી છે. 

જે હાલ મુંબઈમાં એમટેકનો અભ્યાસ કરે છે. કોલેજ ટાઇમ દરમિયાન પીડિતા મધ્યપ્રદેશના વતની અને ભાનાડામાં એલએસી તરીકે ફરજ બજાવતાં વાયુસૈનિક આદિત્યકુમાર રજબના સંપર્કમાં આવી અને ત્યારબાદ બંને વચ્ચેનો સંપર્ક પ્રેમમાં પરિણમ્યો હતો. 

યુવકે યુવતીનો વિશ્વાસ જીત્યા બાદ તેણે તેની સાથે વિવિધ 8 સ્થળે જાતીય સંબંધ બાંધ્યા હતા પણ આદિત્યએ પીડિત યુવતી સાથે લગ્ન કરવાની ના પાડી અને ત્યારબાદ આદિત્યનું અસલી રૂપ પીડિતા સમક્ષ બહાર આવ્યું હતું.

હાલ પોલીસે ભોગ બનનાર યુવતીનું મેડિકલ ચેકઅપ માટે મોકલી આપ્યુ છે અને આરોપી વિરુદ્ધ પુરાવા એકત્રિત કરી આરોપીની ધરપકડ કરવા માટે પોલીસે ચક્રો ગતિમાન કર્યા છે.