મહારાષ્ટ્રમાં એક વિચિત્ર ઘટના સામે આવી છે. એક યુવક ગુટખા ખાવાથી મોતને ભેટ્યો છે. ગુટખા ખાઈને હાઇ ટેન્શન વાયર પર થૂકવા જતાં તેને વીજળીનો જબરદસ્ત કરંટ લાગ્યો. સારવાર દરમિયાન તે વ્યક્તિ મૃત્યુ પામ્યો હતો. આ ઘટના અંગે પોલિસે નોંધ લીધી છે.
માલેગાંવના રમજાનપુરા વિસ્તારની આ ઘટના છે જે રવિવારના રોજ બની હતી. આ વ્યક્તિ પોતાના ભાઈને જોવા માટે આવ્યો હતો. તે મકાનના પહેલા માળની પાસે હતો ત્યાંથી હાય ટેન્શન વાયર પસાર થતો હતો. તેણે ગુટખા ખાધા પછી બારીમાંથી બહાર થૂંકવા જતા તે વાયર પર જઈને પડ્યું.
એનાથી વીજળીનો જબરદસ્ત ઝટકો તેને લાગ્યો હતો.
તેને સારવાર અર્થે તાત્કાલિક નજીકના હોસ્પિટલમાં દાખલ કરવામાં આવ્યો હતો પરંતુ તેનો જીવ બચવા પામી શક્યો નહોતો. પોલીસે આ મામલામાં કેસ નોંધી લીધો છે. જણાવી દઈએ કે થૂક જેવી બાબત પણ વીજવાહક હોય છે. તેના સીધા સંપર્કમાં આવવાથી વીજળોન પ્રવાહ વહેવા લાગે છે.