મુંબઇ: રિલાયન્સ JIO એ રવિવારે એટલે કે 24 સપ્ટેમ્બરથી JIO ફોનનની ડિલીવરી શરૂ કરી દીધી છે. મળતી માહિતી અનુસાર આવતાં 15 દિવસોમાં આશરે 60 લાખ હેન્ડસેટ ડિલીવરી કરવામાં આવશે.
સૂત્રો દ્વારા પ્રાપ્ત થતી વિગતો અનુસાર પહેલા ગામડા અને નાના શહેરોમાં એની ડિલીવરી શરૂ કરવામાં આવશે ત્યારબાદ મોટા શહેરોનો નંબર આવશે. કારણ કે મુકેશ અંબાણીનું એવું નિવેદન હતું કે જેમાં એમણે પોતાની આ પ્રોડક્ટનો હેતુ ગ્રામીણ અને શહેરોની વચ્ચે ડિજીટવ ડિવાઇડને ખતમ કરવાનું જણાવ્યું હતું.
નોંધનીય છે કે રિલાયન્સ JIO એ 1500 રૂપિયામાં ફીચર ફોનનું બુકિંગ 24 ઓગસ્ટે શરૂ કર્યું હતું. ગ્રાહકોને આ ફીચર ફોન પૂરી રીતે મફત પડશે કારણ કે 1500 રૂપિયા રિફન્ડેબલ છે. બુકિંગ સમયે 500 રૂપિયા લેવામાં આવ્યા છે. 1000 રૂપિયાની ચુકવણી ફોનની ડિલીવરી લેતી વખતે કરવી પડશે. 3 વર્ષ બાદ ફોન પરત આપવા પર આ રકમ ગ્રાહકોને પાછી આપવામાં આવશે.
રિસર્ચ અનુસાર કુલ 6.18 કરોડ મોબાઇલ ફોન આ વર્ષની બીજા ક્વાર્ટર મંગાવવામાં આવ્યા હતા. 60 લાખ ફોનના વેંચાણ સાથે જ JIOPHONE ની ભારતીય મોબાઇલ ફોન માર્કેટમાં ભાગેદારી એક ક્વાર્ટરમાં જ 10 ટકા થઇ જશે.