નર્મદા રથનો ઠેર-ઠેર વિરોધ કરવામાં આવી રહ્યો છે ત્યારે આજે નર્મદા રથ સાબરકાંઠા પહોંચતા સ્થાનિક લોકોએ નર્મદા રથના રસ્તા પર સુઇ જઇને ઉગ્ર રીતે વિરોધ નોંધાવ્યો હતો.
સાબરકાંઠામાં નર્મદા રથનો વિરોધ કરવામાં આવ્યો હતો. તલોદ તાલુકાના સલાટપુર ગામે નર્મદા રથનો વિરોધ કરવામાં આવ્યો હતો. ગામના લોકોએ રથ આવતા જ હોબાળો મચાવ્યો હતો. મહિલાઓએ થાળી વેલણ લઈને રથની આગળ બેસી વિરોધ કર્યો હતો. યુવાનોએ પણ રથની આગળ સુઈ વિરોધ કર્યો હતો.
ઉલ્લેખનીય છે કે તલોદ તાલુકાના સલાટપુર ગામે સરકાર દ્વારા શરૂ કરવામાં આવેલ નર્મદા રથનું આગમન થતાંની સાથે જ ગામના લોકોએ ઉગ્ર પ્રતિક્રિયા આપી હતી અને રોડ ઉપર બેસી જઇને આ રથને ગામમાં પ્રવેશવા નહીં દેતા બહારના ભાગેથી જ રથે વિદાય લેવી પડી હતી.