ભાજપ-કોંગ્રેસના કદાવર નેતાઓના નામ છપાયા કેબિનેટ મંત્રીના નામનો ઉલ્લેખ જ નહીં

જામનગરઃ ઘરના છોકરા ઘંટી ચાટે ને પારકાને આટો કંઈક આવો જ ઘાટ જામનગરમાં પતંગોત્સવની આમંત્રણ પત્રિકા જોતા જણાઈ આવ્યો હતો. કલેક્ટર કમિશનર અને પ્રવાસન વિભાગે જામનગરના પતંગ મહોત્સવ માટે છાપેલી આમંત્રણ પત્રિકામાં મોટો છબરડો જોવા મળ્યો હતો.

આ આમંત્રણ પત્રિકામાં ભાજપના મેયર સાંસદો અને ધારાસભ્યોના નામની સાથે કોંગ્રેસના પણ કેટલાક મહાનુભાવોના નામ છપાયેલા છે પરંતુ રાજ્યના કેબિનેટ મંત્રી આર.સી. ફળદુના નામનો ઉલ્લેખ આમંત્રણ પત્રિકામાં ક્યાંય જોવા મળતો નથી. જેના કારણે નારાજગી ઉભી થઈ છે અને આ મુદાને જાણે ઈરાદાપૂર્વકનો પ્રયત્ન ગણીને વિવાદ જાગ્યો છે.