VIDEO:આધાર કાર્ડ અંગેના પ્રશ્ન જવાબ ન મળતાં શિક્ષકે વિદ્યાર્થીને માર માર્યો

મુંબઇ: મુંબઇના કુરલામાં આવેલી ઓક્સફર્ડ હાઇસ્કૂલમાં અભ્યાસ કરતા એક વિદ્યાર્થીને માર મારવામાં આવ્યો છે. શાળાના શિક્ષક શ્યામ વિશ્વકર્માએ 16 વર્ષના વિદ્યાર્થીને માર માર્યો છે. શિક્ષકે આધાર કાર્ડને લઇને સવાલ પૂછ્યો હતો.

પીડિત વિદ્યાર્થી પાસે કાર્ડને લઇને ક્લાસમાં સવાલ પૂછવામાં આવ્યો હતો. પીડિત વિદ્યાર્થી પાસે કાર્ડ ન હોવાનું અન્ય વિદ્યાર્થીએ જણાવ્યું હતું. આધાર કાર્ડ ન હોવાનું સાંભળીને નારાજ થયેલા શિક્ષકે વિદ્યાર્થીને માર માર્યો હતો.

શિક્ષકે માર માર્યા બાદ વિદ્યાર્થી ઘરે પહોચ્યો હતો અને વિદ્યાર્થી રડતા પરિવારે પૂછતા શિક્ષકે માર માર્યો હોવાનું જણાવ્યું હતું. જેના પછી પરિવાર શાળાએ પહોચતા માર મારવાની વાત માનવામાં આવી હતી. જો કે સીસીટીવી ફૂટેજ જોતા શિક્ષક માર મારતા જોવા મળ્યા હતા. પોલીસમાં ફરિયાદ કર્યા બાદ શિક્ષકની ધરપકડ કરવામાં આવી છે.