મુંબઈમાં ભારે વરસાદના કારણે ગુજરાતથી મુંબઈ જતી 5 ટ્રેનો કરાઈ રદ્દ

અમદાવાદ/મુંબઇઃ મુંબઇમાં એક વાર ફરી ભારે વરસાદના કારણે લોકોને મુશ્કેલીનો સામનો કરવો પડી રહ્યો છે. મોસમ વિભાગે 48 કલાક સુધી મુંબઇમાં ભારે વરસાદની ચેતવણી આપી છે. ધોધમાર વરસાદના કારણે અનેક વિસ્તારોમાં પાણી ભરાઇ ગયા છે. અને તેના કારણે વાહનોને અવર જવરમાં મુશ્કેલી થઇ રહી છે.

ત્યારે ગુજરાતથી મુંબઇ જતી 5 ટ્રેનો રદ્ કરાઇ છે. 12009 શતાબ્દી એક્સપ્રેસ 22953 ગુજરાત એક્સપ્રેસ 12953 ઈન્ટરસીટી એક્સપ્રેસ 19215 સૌરાષ્ટ્ર એક્સપ્રેસ 59024 વલસાડ ફાસ્ટ પેસેંજર ટ્રેન આમ 5 ટ્રેનો રદ્ કરવામાં આવી છે. તે સિવાય અન્ય કેટલીક ટ્રેનો પણ 3થી4 કલાક મોડી દોડી રહી છે.

ત્યારે વેસ્ટર્ન રેલવે સહિત મધ્ય રેલવેની 11 ટ્રેનો રદ કરવામાં આવી છે. મુંબઇની લાઇફ લાઇન કહેવાતી લોકલ ટ્રેન પર પણ વરસાદની અસર જોવા મળી છે. અનેક રૂટ પર ટ્રેનો ધીમી ગતિએ આગળ વધી રહી છે. વરસાદને પગલે શહેરની તમામ શાળા અને કોલેજ એક દિવસ માટે બંધ રાખવાની જાહેરાત કરાઇ છે.