મુંબઈ એરપોર્ટ પરથી કસ્ટમ વિભાગે 15 કિલો સોના સાથે એક શખ્સની ધરપકડ કરી છે.આરોપી 15 કિલો સોનું હોંગકોંગથી લાવ્યો હોવાનું સામે આવ્યું છે.કોરિયન નાગરિક કિંમ્યૂનજિંગે સોનું છૂપાવવા માટે ખાસ એક જેકેટ સિવડાવ્યું હતું.
જેમાં 1-1 કિલો સોનાના 15 બિસ્કીલ છૂપાવીને રાખ્યા હતા.ઝડપાયેલા સોનાની કિંમત 4.15 કરોડ રૂપિયા આંકવામાં આવી છે.ઝડપાયેલો શખ્સ હોંગકોંગથી પેસિફિક ફ્લાઈટ નંબર CX663 દ્વારા મુંબઈ આવ્યો હતો.ત્યારે કસ્ટમ વિભાગે આરોપી સોનું કોના કહેવા પર લાવ્યો હતો અને કોને આપવા માટે આવ્યો હતો તે દિશામાં તપાસ હાથ ધરી છે.
ઉલ્લેખનીય છે કે સોનું અને અન્ય વિદેશી કિંમતી ચીજ-વસ્તુઓ એરપોર્ટ પર વારંવાર પકડાય છે ત્યારે ગેરકાયદેસર રીતે ભારતમાં પ્રવેશ કરનારા લોકો સામે કડક પગલા લેવામાં આવે અને સુરક્ષા વ્યવસ્થા વધુ મજબૂત બનાવવામાં આવે તેવી એક લોકમાંગ ઉઠવા પામી હતી.