મુંબઈ: દિલ્લી બાદ હવે મુંબઈમાં પણ ફટાકડાના વેચાણ પર પ્રતિબંધ લગાવાયો છે. મુંબઈ હાઇકોર્ટે આજે એક મહત્વોનો ચૂકાદો આપતા શહેરના રહેણાંક વિસ્તારોમાં ફટકડાના વેચાણ પર પ્રતિબંધ ફરમાવ્યો છે. કોર્ટે મુંબઈ સરકારને ફટાકડાનું વેચાણ કરનારા લોકો સામે પગલાં લેવા નિર્દેશ કર્યો છે.
બોમ્બે હાઇકોર્ટેના ચીફ જસ્ટીસ મંજુલા ચેલ્લૂરે જસ્ટિસ વીએમ કનડેશના ગત વર્ષના નિર્ણયને યથાવત રાખ્યો છે. આ પૂર્વે દિલ્લી હાઇકોર્ટે દિલ્લી NCRના રહેણાંક વિસ્તારોમાં ફટાકડાઓના વેચાણ પર પ્રતિબંધ ફરમાવ્યો હતો. સુપ્રીમ કોર્ટ જોવા માંગે છે કે આ નિર્ણયને કારણે પ્રદૂષણમાં કેટલો ઘટાડો થઈ શકે છે.