મુંબઈના ગોરેગાંવમાં એક ફેક્ટરીમાં આગ લાગવાની ઘટના સામે આવી છે.આ ઘટનાની જાણ થતા ફાયર ફાઈટરની 15 ગાડીઓ ઘટના સ્થળે પહોંચી હતી.
ત્યાર બાદ અધિકારીઓએ તાત્કાલિક બચાવ કામગીરી શરૂ કરી હતી.. જોકે હજી સુધી આ ઘટનાથી કોઈ પણ જનહાનિના સમાચાર મળ્યા નથી.
ઉલ્લેખનીય છે કે અંગ્રેજી વર્ષની શરૂઆત થવાની આગલી રાતે મુંબઇના પબમાં પાર્ટી ચાલુ હતી ત્યારે હુક્કાને કારણે અચાનક આગ ભડકી ઉઠી હતી.જેમાં 14 જેટલા લોકો બળીને ખાખ થઇ ગયા હતા.આ ઘટનાના ઘેરા પ્રતિસાદ દેશમાં પડ્યા હતા.
આ ઘટનામાં ગુજરાતની પણ એક યુવતી બળીને રાખ થઇ ગઇ હતી.ત્યારે આગની ફરી ઘટના બનતા ફાયર વિભાગના કર્મીઓ દોડતા થઇ ગયા હતા અને આકરી મહેનત બાદ સફળતા આગ પર કાબૂ લાવવા પ્રયાસો હાથ ધર્યા હતા.