VIDEO:સગીરાની જાહેરમાં છેડતી બાદ વિરોધ કરાતા ઢોર માર ઘટના CCTV માં કેદ

મુંબઇ: યુવતીઓ માટે સુરક્ષિત ગણાતી મુંબઇમાં એક આઘાતજનક ઘટના બની છે.. એક સગીરાની રસ્તા વચ્ચે છેડતી કરવામાં આવી. જેનો સગીરાએ વિરોધ કરતા તેને રસ્તા વચ્ચે લોકોના વચ્ચે માર મારવામાં આવ્યો.અને સગીરાને માર મારવામાં આવી રહ્યો હતો.

ત્યારે આસપાસ રહેલા લોકો તેને માર મારતા જોતા રહ્યા. સમગ્ર ઘટનાની CCTV સામે આવ્યા છે. જેમાં એક બદમાશની શરમજનક કાર્ય જોવા મળે છે. આ મામલામાં નેહરૂ નગર પોલીસ સ્ટેશનમાં FIR દાખલ કરવામાં આવી છે. પોલીસે યુવકની ધરપકડ કરી લીધી હતી. જો કે આરોપી જામીન પર બહાર પણ આવી ગયો છે. આ ઘટનાએ એકવાર ફરી મહિલાઓની સુરક્ષા પર સવાલ ઉભા કરી દીધા છે.

ઉલ્લેખનીય છે કે 17 ઓકટોબરે બનેલી આ ઘટનામાં સાફ જોવા મળે છે કે સગીરાને માર માર્યા બાદ યુવકને કોઇ જાતનો ડર નથી. આશ્ચર્યની વાત તો એ છે કે યુવકને આ ઘટનાની જાણે કોઇ અસર નથી થઇ રહી. તે સગીરાને માર મારીને બિન્દાસ તેની આસપાસ ફરતો જોવા મળે છે. અને તે સમયે લોકો ના તો તેને પકડી રહ્યા છે ના તો સગીરાની મદદ કરી રહ્યા છે. સગીરા પર અચાનક થયેલા થપ્પડના વરસાદના કારણે તે બેભાન થઇને પડી જાય છે..