હૈદરાબાદ: અમેરિકાના રાષ્ટ્રપતિ ડોનાલ્ડ ટ્રંપની પુત્રી ઇવાંકા 28 નવેમ્બરે ભારત આવી રહી છે. એ દિવસ હૈજરાબાદમાં એ પ્રધાનમંત્રી નરેન્દ્ર મોદી સાથે ડિનર કરશે. એમની સાથે મુકેશ અંબાણી રતન તાતા અને આનંદ મહિન્દ્રા પણ હાજર રહેશે.
સ્થાનિક તાજ ફલકનુમા પેલેસમાં આ આયોજન થશે. કુલ મળીને 99 ગણમાન્ય હસ્તિઓ અહીંયા એક સાથે ડિનર કરશે એમાં ભારતના વિદેશ મંત્રી સુષમા સ્વરાજ અને પ્રદેશના મુખ્યમંત્રી કે. ચંદ્રશેખર રાવ પણ સામેલ થશે.
નોંધનીય છે કે હૈદરાબાદમાં 28 થી 30 નવેમ્બર સુધી ગ્લોબલ એન્ટરપ્રેન્યોર સમિટનું આયોજન થવાનું છે. એમાં 170 દેશોના 1500 ઉદ્યોગસાહસિક ભાગ લેશે. ભારત અને અમેરિકા મળીને સંમેલનનું હોસ્ટિંગ કરી રહ્યા છે. સંમેલનની થીમ 'પહેલા મહિલા દરેક માટે સંપન્નતા' રાખવામાં આવી છે.
ત્રણ દિવસના સંમેનમાં વિવિધ દેશોથી આવેલા ઉદ્યોગસાહસિક વિચારોનું આદાન પ્રદાન કરશે. આ ઉપરાંત સફળ ઉદ્યોગસાહસિક અને રોકાણકારોના અનુભવોને શેર કરવા માટે કાર્યશાળાઓ પણ આયોજિત કરવામાં આવશે. એમનો મુખ્ય મુદ્દો ધંધો શરૂ કરવા અને એને આગળ વધારવા સાથે જોડાયેલો છે.
આ આયોજનને જોતા હૈદરાબાદ પોલીસ રસ્તા પરથી ભિખારીઓને હટાવવાના મિશનમાં લાગી ગઇ છે. સરકાર અને સ્થાનિક પ્રશાસન આ આયોજન દ્વારા હૈદરાબાદની ઓળખ બનાવવા ઇચ્છે છે.