જ્યાં એક તરફ ટીમ ઇન્ડિયા શ્રીલંકાની વિરુદ્ઘ પહેલી ટેસ્ટ મેચ રમવા માટે કોલકાતા પહોંચી ચૂકી છે ત્યાં બીજી તરફ ટેસ્ટ ફોર્મેટમાંથી સંન્યાસ લઇ ચૂકેલા મહેન્દ્ર સિંહ ધોની હાલમાં પોતાની ફેમિલી સાથે સમય વીતાવી રહ્યો છે. તાજેતરમાં ધોનીએ પત્ની સાક્ષીએ એક વીડિયો પોતાના ઇન્સ્ટાગ્રામ પર અપલોડ કર્યો છે જેમાં માહી પોતાના ફેન્સ ફેન્સથી બચવા માટે એક અલગ તરકીબ અજમાવતો દેખાઈ રહ્યો છે. અસલમાં આ વીડિયો ધોનીની ફ્લાઈટમાં મુસાફરી કરતી વખતનો છે.
આમ તો મહેન્દ્ર સિંહ ધોનીના કરોડની ફેન્સ છે. ફેન્સ જ્યારે તેને જુએ છે ત્યારે તેની સાથે ફોટો ક્લિક કરવા માટે અને ઓટોગ્રાફ લેવા તૂટી પડે છે જેને કાણે ઘણીવાર ધોનીને તકલીફનો સામનો કરવો પડે છે. વીડિયોમાં દેખાઈ રહ્યું છે કે ધોની પોતાની ફેમિલી સાથે ફ્લાઈટમાં મુસાફરી કરી રહ્યો છે. ફેન્સથી બચવા માટે તે બ્લેન્કેટથી પોતાને ઢાંકી રહ્યો છે. આ દરમિયાન ઘણા લોકો તેને જોતા-જોતા પસાર થઈ રહ્યાં છે.
તમને જણાવી દઇએ કે ભારત-શ્રીલંકાની ટૂર્નામેન્ટને લઇને ફેન્સ ખૂબ જ એક્સાઇટેડ છે. પરંતુ ક્રિકેટની આ ફોર્મેટમાંથી મહેન્દ્ર સિંહ ધોનીએ સંન્સાસ લઇ લીધો છે. ભારતે થોડા મહિના પહેલા જ શ્રીલંકામાં 3 ટેસ્ટ મેચ 5 વન ડે મેચ અને 3 T-20 મેચની સીરિઝ રમી હતી જેમાં તેણે જીત મેળવી હતી. હવે 16 નવેમ્બરથી બંને ટીમ 3 ટેસ્ટ મેચ 3 વન ડે અને 3 T-20 મેચ રમશે.ધોની વન-ડે અને ત્યારબાદ T-20 સીરીઝમાં ગ્રાઉન્ડ પર દેખાશે.