નોઇડા: ગાજીયાબાદ અને હવે મુરાદાબાદમાં ગેંગરેપની ઘટના બની છે. અને આ ઘટનાઓ બાદ કહી શકાય કે યોગીના રાજમાં બદમાશોને જલસા થઇ ગયા છે. ગાજીયાબાદમાં નર્સ સાથે દુષ્કર્મની ઘટના બન્યા બાદ મુરાદાબાદમાં એક યુવતી સાથે ચાલતી ટ્રેનમાં ગેંગરેપની ઘટના બની છે.
પીડિતાનો આરોપ છે કે દારૂના નશામાં 4 યુવકોએ તેની સાથે ગેંગરેપ કર્યો છે. અને તેના પછી હરથલા રેલવે સ્ટેશનની બહાર છોડીને ફરાર થઇ ગયા છે. યુવતી બેભાન અવસ્થામાં મળતા હલચલ થઇ ગઇ હતી. અને સ્થાનિકોએ પોલીસને જાણ કરી હતી. ત્યારબાદ પોલીસે યુવતીને હોસ્પિટલમાં ભરતી કરાવી હતી .
ઉલ્લેખનીય છે કે આ પીડિતા ઉત્તરાખંડના બાજપુરની રહેવાસી છે. અને પોતાના સંબંધીને મળવા માટે તે બિજનોર જઇ રહી હતી. ટ્રેનમાં 4 યુવકોએ પહેલા તો તેને દારૂ પીવડાવી હતી. અને તેના પછી ચાલતી ટ્રેનમાં તેની સાથે ગેંગરેપ કર્યો હતો.
દેશમાં દિવસે ને દિવસે બળાત્કારની ઘટનાઓ બની રહી છે ત્યારે આવી ઘટના ના બને અને આવા વિકૃત લોકોને કડક સજા થાય તેવો ચોક્કસ કાયદો બને તેવી લોકમાંગ ઉઠવા પામી છે.