પેલેસ્ટાઇન પહેલી વાર પહોંચ્યા ભારતીય PM રાષ્ટ્રપતિ મહમૂદે આપ્યું સર્વોચ્ચ સન્માન

રામલ્લાહઃ ચાર દિવસીય પશ્ચિમ એશિયાઇ દેશોની યાત્રા દરમિયાન પીએમ મોદી આજે પેલેસ્ટાઇન પહોંચ્યા હતા. રામલ્લાહમાં પોતાનું ડગલું ભરતાની સાથે જ પેલેસ્ટાઇનની યાત્રા કરનારા મોદી પહેલા ભારતીય પ્રધાનમંત્રી બની ગયા છે. આ દરમિયાન બન્ને દેશોના નેતાઓ વચ્ચે દ્વિપક્ષીય બેઠક યોજાઇ હતી. ત્યારે પીએમ મોદીએ રાષ્ટ્રપતિ મહમૂદ અબ્બાસને ગ્રેડ કોલર પ્રદાન કર્યું. ગ્રાન્ડ કોલર વિદેશી મહેમાનને આપવામાં આવેલ સર્વોચ્ચ સન્માન હોઇ છે.

પોતાના પ્રવાસના પહેલા દિવસે પીએમ મોદી જોર્ડનની રાજધાની અમ્માન પહોંચ્યા હતા. જ્યારબાદ તેઓ આજે પેલેસ્ટાઇનના રામલ્લાહ પહોંચ્યા હતા. અહીં તેઓ પેલેસ્ટાઇનના રાષ્ટ્રપતિ મહમૂદ અબ્બાસે પ્રોટોકોલ તોડીને તેમનું સ્વાગત કર્યું.

રામલ્લાહમાં પીએમ મોદીએ સૌથી પહેલા દિવંગત પેલેસ્ટાઇની નેતા યાસિર અરાફાતની સમાધી પર જઇ તેમને શ્રદ્ધાંજલિ આર્પણ કરી હતી. આ દરમિયાન મોદીની સાથે રાષ્ટ્રપતિ મહમૂદ પણ હાજર રહ્યા.

ત્યારબાદ પીએમ મોદી ફિલીસ્તાનના રાષ્ટ્રપતિ ભવન પહોંચ્યા હતા. જ્યાં રાષ્ટ્રપતિ મહમૂદ અબ્બાસે તેમનું ઔપચારિક સ્વાગત કર્યું હતું. રાષ્ટ્રપતિ ભવનમાં પીએમ મોદીને ગાર્ડ ઓફ ઓનર આપ્યું હતું.