સર્વેમાં સૌથી લોકપ્રિય કોણ મોદી કે રાહુલ? લોકસભાની ચૂંટણી થાય તો કોને મળે કેટલા મત?

નવી દિલ્હીઃ આજે સાડા ત્રણ વર્ષ પછી પણ દેશમાં લોકસભા ચૂંટણી માટે મોદી લહેર જોવા મળી રહી છે. આ વાત અમે નહીં પરંતુ સી-વોટરના એક સર્વેમાં સામે આવી છે. સી-વોટરના સર્વે પ્રમાણે આજે પણ કોંગ્રેસ પોતાની સ્થિતિ સુધર્યા બાદ પણ મોદીને ટક્કર આપવાની સ્થિતિમાં નથી.

સી-વોટર દ્વારા 2019ની ચૂંટણી માટે જનતાનો મીજાજ જાણવામાં આવ્યો હતો. વર્ષ 2017ની 3 ડિસેમ્બરથી લઈને 3 જાન્યુઆરી 2018 સુધી સી-વોટરે તમામ 543 લોકસભા સીટો પર જઈ 10 હજારથી વધુ લોકોનો મત જાણ્યો હતો. સર્વે પ્રમાણે સમગ્ર દેશમાં મોદી જ કેન્દ્રમાં છે અને માત્ર ભાજપની ગાડી જ આગળ વધી રહી છે.

જોકે સર્વે સાથે સામે આવેલું એક તથ્ય મોદી સરકાર માટે ચીંતાનો વિષય છે. અનેક લોકોનું એવું પણ માનવું છે કે મોદી સરકારે 2014ની ચૂંટણી દરમિયાન અનેક વચનો આપ્યા હતા. પરંતુ તે પુરા કર્યા નથી. એટલે કે અત્યારથી 2019 સુધીમાં પ્રધાનમંત્રી મોદીના નેત્રૃત્વમાં ભાજપ કેટલી પોતાની પ્રતિષ્ઠા જાળવી રાખે છે. અને કેટલું કામ કરે છે. તેના પર નિર્ભર રહેશે.

સી-વોટરના સર્વેમાં 2019માં પ્રધાનમંત્રી પદ માટે લોકપ્રીય ચહેરા તરીકે પ્રધાનમંત્રી મોદીનું નામ સૌથી ઉપર આવે છે. સર્વેના આકળા પર નજર કરીએ તો પ્રધાનમંત્રી મોદીને 52.7 ટકા મતો મળી રહ્યા છે. જ્યારે કોંગ્રેસ અધ્યક્ષ રાહુલ ગાંધીને માત્ર 12.6 ટકા જ મત મળી રહ્યા છે. જ્યારે કોંગ્રેસના પૂર્વ અધ્યક્ષ સોનિયા ગાંધીને 4.4 ટકા પૂર્વ પ્રધાનમંત્રી મનમોહનસિંહને 4.3 ટકા અને દિલ્હીના મુખ્યમંત્રી અરવિંદ કેજરીવાલને 1.6 ટકા મત મળી રહ્યા છે.  

કોને કેટલા મત?

ચૂંટણી થાય તો કોને કેટલા ટકા મત?