નવી દિલ્હીઃ મોદી સરકારનું અંતિમ બજેટ તૈયાર થઈ ગયું છે જેને પ્રિન્ટિંગ માટે મોકલી આપવામાં આવ્યું છે. આ પૂર્વે નાણામંત્રાલય દ્વારા હલવા સેરેમની યોજવામાં આવી હતી. હલવા સેરેમની બજેટ સાથે સંકળાયેલી અત્યંત રસપ્રદ પ્રથા છે. જ્યારે નાણામંત્રી ખુદ બજેટ સાથે જોડાયેલા અધિકારીઓ અને કર્મચારીઓને હલવો ખવડાવે છે.
ભારતીય પરંપરા અનુસાર કોઈ પણ શુભ કાર્ય પૂર્વે મોઢું મીઠું કરાવવામાં આવતું હોય છે. ત્યારે નાણામંત્રીએ બજેટના પ્રિન્ટિંગ પૂર્વે સ્ટાફને હલવો ખવડાવી મોઢું મીઠું કરાવ્યું. હલવા સેરેમની બાદ પ્રિન્ટિંગ ની ઔપચારિક શરૂઆત કરવામાં આવે છે.
તો રેલવે મંત્રી પિયૂષ ગોયેલ બજેટને લઈને પ્રતિક્રિયા આપી હતી. તેમણે કહ્યું કે મોદી સરકારના અન્ય બજેટની જેમ આ બજેટ પણ વિકાસલક્ષી હશે.