રાજકોટ બાદ વડોદરામાં પણ ખેતલાઆપા ટી સ્ટોલ પર મહાનગર પાલિકા દ્વારા તપાસ હાથ ધરવામાં આવી છે. ખેતલાઆપા ટી સ્ટોલમાં દૂધની હલકી ગુણવત્તાની ફરિયાદો સામે આવી હતી. જે બાદ મહાનગરપાલિકા દ્વારા તપાસ હાથ ધરી છે..વડોદરામાં 3 સ્ટોરમાં દરોડા પાડીને દૂધના સેમ્પલ લેવામાં આવી રહ્યા છે.
તો આ બીજી તરફ રાજકોટમાં ખેતલાઆપા ટી સ્ટોર પરથી લેવાયેલા દૂધના નમૂના ફેલ ગયા છે. જેથી મહાનગરપાલિકાએ સ્ટોર માલિકને નોટિસ ફટકારાઈ છે. મનપાએ 13 ઓગસ્ટે રાજકોટના કાલાવાડ રોડ અને કોઠારિયા રોડ પર ખેતલાઆપા ટી સ્ટોલ પરથી ભેંસના દૂધ તથા મિક્સ દૂધના નમૂના લીધા હતા. જેની ચકાસણીનો રિપોર્ટ આવતા બન્ને નમૂના ફેલ ગયા છે.
દૂધમાં ફેટ અને SNFનું પ્રમાણ ઓછું અને દૂધમાં પાણીની ભેળસેળ હોવાનો રિપોર્ટ આવ્યો હતો. જેથી આ દૂધ લોકોના આરોગ્ય માટે યોગ્ય ન હોવાથી મહાનગરપાલિકાએ નોટિસ ફટકારી છે.
મહત્વનું છે કે અમદાવાદના કર્ણાવતી ક્લબ પાસે પણ ખેતલાઆપા ટી સ્ટોલે ધૂમ મચાવી છે. અહીં દરરોજની 2100 લીટર દૂધની ચા બને છે અને અમદાવાદમાં આવી કુલ 6 બ્રાંચ આવેલી છે.
ચ્હામાં ગડબડ છે ?
ખેતલાઆપા ટી સ્ટોલ પર ચ્હા પીતા પહેલા ચેતો
ખેતલાઆપા ટી સ્ટોલના દૂધના સેમ્પલ થયા ફેઈલ
વડોદરામાં ખેતલાઆપા ટી સ્ટોલ પર VMCના દરોડા
હલકી ગુણવત્તાના દૂધની ફરિયાદ બાદ તપાસ
VMCએ અલગ અલગ 3 સ્થળોએ હાથ ધરી તપાસ
VMCના આરોગ્ય વિભાગે લીધા દૂધના સેમ્પલ
રાજકોટમાં 13 સપ્ટેમ્બરે આરોગ્ય વિભાગે પાડ્યા હતા દરોડા