મુંબઇ : હોલિવુડ પ્રોડ્યુસર હાર્વે વીસ્ટીન પર યૌન શોષણનનાં લાગેલા આરોપ બાદ સોશિયલ મીડિયા પર મી ટુ કેમ્પેઇન ચાલી રહ્યું છે. જેમાં શારીરિક શોષણનો ભોગન બનેલા લોકો મી ટુ હેશટેગ સાથે પોતાનાં અનુભવો શેર કરી રહ્યા છે. એક્ટર કોમેડિયન મલ્લિકા દુઆએ પણ ઇન્સ્ટાગ્રામ પર પોતાનો અનુભવ શેર કર્યો છે. તેમણે લખ્યું કે મી ટુ મારી કારમાં થયું હતું.
મારી મમ્મી કાર ચાલી રહી હતી અને તે પાછળની સીટ પર બેઠા હતા. તેનો હાથ આખો દિવસ મારા સ્કર્ટની અંદર હતો. હું તે સમયે 7 વર્ષની હતી. મારી બહેન 11 વર્ષની હતી. તેનો હાથ મારા સ્કર્ટની અંદર તમામ જગ્યાએ ફરી રહ્યો હતો. મારી બહેનની પીઠ પર પણ તેનો હાથ ફરી રહ્યો હતો. મારા પિતા જે કે પાછળ બીજી કારમાં હતા. તેણે તે જ રાત્રે તે વ્યક્તિનું જડબુ હલાવી નાખ્યું હતું.
મલ્લિકાએ તે ઉપરાંત પોતાની સાથે ઉબર કેબમાં પણ થયેલી ગેરવર્તણુંક અંગે સોશિયલ મીડિયા પર આલેખ્યું હતું. તેણે ડ્રાઇવરને એસી વધારવા માટે કહ્યું જેનાં કારણે ડ્રાઇવર ભડકી ગયો હતો. તેણે મલ્લિકાને અડધા રસ્તે જ ઉતારી દીધી હતી. જ્યારે મલ્લિકાએ તેની વિરુદ્ધ કાર્યવાહી કરવા માટેનું કહ્યું તો તેણે અપશબ્દો કહ્યા હતા.