VIDEO: મહારાષ્ટ્રના ભિવંડીની ખાનગી કંપનીમાં ભીષણ આગ સબ સલામત

મહારાષ્ટ્રના ભિવંડીમાં આવેલી એક કંપનીમાં ભીષણ આગ લાગવાની ઘટના સામે આવી છે.થાણેમાં આવેલી સવિતા સેજિંગ કંપનીમાં શોર્ટ સર્કિટના કારણે વહેલી સવારે આગ લાગી હતી.આ ઘટના સર્જાતા સમગ્ર વિસ્તારમાં અફરા-તફરીનો માહોલ સર્જાયો હતો.

ઘટનાની જાણ થતા ફાયર ફાઈટરો ઘટના સ્થળે દોડી આવ્યા હતા અને પાંચ કર્મચારીઓનો આબાદ બચાવ થયો હતો.ભારે જહેમત બાદ ફાયર ફાઈટરના અધિકારીઓએ આગ પર કાબૂ મેળવ્યો હતો.

ઉલ્લેખનીય છે કે અંગ્રેજી વર્ષની શરૂઆત થવાની આગલી રાતે મુંબઇના પબમાં પાર્ટી ચાલુ હતી ત્યારે હુક્કાને કારણે અચાનક આગ ભડકી ઉઠી હતી.જેમાં 14 જેટલા લોકો બળીને ખાખ થઇ ગયા હતા.આ ઘટનાના ઘેરા પ્રતિસાદ દેશમાં પડ્યા હતા.

આ ઘટનામાં ગુજરાતની પણ એક યુવતી બળીને રાખ થઇ ગઇ હતી.ત્યારે આગની ફરી ઘટના બનતા ફાયર વિભાગના કર્મીઓ દોડતા થઇ ગયા હતા અને આકરી મહેનત બાદ સફળતા આગ પર કાબૂ લાવવામાં સફળ થયાં હતા.