મારુતિ સુઝુકીની સૌથી લોકપ્રિય કાર વેગન આરનું ન્યૂ જનરેશન મોડેલ લૉન્ચ થશે. તાજેતરમાં જ ટેસ્ટિંગ દરમિયાન કારનો લૂક જોવા મળ્યો હતો. જો કે ટેસ્ટિંગ દરમિયાન કાર ઢંકાયેલી હતી. માનેસરમાં વેગન આરના નવા મોડેલનું પ્રોડક્શન થઇ રહ્યું છે. આગામી વર્ષ સુધીમાં કાર માર્કેટમાં આવી જાય તેવી શક્યતા છે.
આ શરૂઆતી મૉડલ છે અને 2019 સુધી પ્રોડક્શન મૉડલ તૈયાર થઇ શકે છે. નવી વેગન આરની સ્ટાઇલ અને ડિઝાઇન ગ્લોબલ સ્તરે વેચાતી સુઝુકી વેગન આર જેવો જ હોઇ શકે છે. જેને ફેબ્રુઆરી 2017માં જાપાનમાં રજૂ કરવામાં આવી હતી.
નવા વર્જનનો લુક ભારતમાં વેચાતા જૂના મારુતિ વેગન આરના મોડેલથી બિલકુલ અલગ હોઇ શકે છે. આ કારમાં નવા ગ્રિલ ચોરસ હેડલાઇટ્સ અને વાઇડ એરડમ્સ હોઇ શકે છે. મારુતિ સુઝુકી વેગન આરના નવા મોડેલનો રિયર લૂક બદલી શકે છે. જેમાં નવા ટેલલેમ્પ્સ આપવામાં આવી શકે છે.
નવા વેગન આર મોડેલમાં 998CCનું 3 સિલિન્ડરવાળા 10બી પેટ્રોલ એન્જિન હોઇ શકે છે. જે 67 બીએચપી પાવર અને 90 ન્યૂટન મીટરનો ટોર્ક જનરેટ કરશે. ઉપરાંત આ કારમાં 5 સ્પીડ મેન્યુઅલ ગિયરબૉક્સ પણ આપવામાં આવશે.