સ્પેન અને પોર્ટુગલના જંગલોમાં ભીષણ આગ 36 લોકોના મોત

સ્પેનઃ સ્પેન અને મધ્ય પોર્ટુગલમાં છેલ્લા 24 કલાકથી જંગલમાં ભીષણ આગ લાગી છે. જેના કારણે અત્યાર સુધી કુલ 36 લોકોના મોત નિપજ્યા છે. જ્યારે મોટી સંખ્યામાં લોકો ઘાયલ થયા છે. રાહત અને બચાવ કામગીરી પૂરજોશમાં ચાલી રહી છે. તો પોર્ટુગલમાં પ્રધાનમંત્રી એંટોનિયો કોસ્ટાએ ઈમરજન્સી જાહેર કરી છે.

દેશના મધ્ય અને ઉત્તર ભાગમાં 20 જગ્યાએ આગ લાગી છે. આશરે 4 હજારથી વધુ ફાયર બ્રિગેડના કર્મચારીઓ આગ પર કાબૂ મેળવવા માટે કામગીરી કરી રહ્યા છે. તો બચાવ અને રાહત કામગીરીમાં સેના પણ જોડાઈ છે. મળતી માહિતી મુજબ રવિવારે અહીં તાપમાન ઘણું જ વધી ગયું હતું. જેના કારણે 520થી વધુ સ્થળોએ આગ લાગવાની ઘટના બની હતી.